Azercell abunəçiləri Baltikyanı ölkələrdə də endirimli rouminq tariflərindən yaralanırlar

Baltika ətrafı ərazilər Avropanın ən gözəl guşələrindən biridir . Burada mükəmməl istirahət üçün hər cür şərait mövcuddur:  yaxşı çimərliklər, möhtəşəm mənzərələr, saglam iqlim, koloritli kənd evləri və təbii ki, yerli əhalinin qonaqpərvərliyi. Müasir Baltikyanı ərazilər Rusiya, Latviya, Litva, Estoniya, Polşa sərhədləri  ilə təmsil olunan Şimalı Avropadır. Amma postsovet məkanında Baltikyanı  (Pribaltika) ölkələr dedikdə, ilk növbədə  Litva, Latviya və Estoniya nəzərdə tutulur. Baltikyanı ölkələr həm də Skandinaviyanın qapısı sayılır. Hər üç Baltikyanı dövlətin Şenqen zonasına daxil olması bu ölkələrdən Skandnaviyaya da  getməyi asanlaşdırır. Qeyd edək ki, hər üç Baltikyanı dövlət həm də Avro pul məkanına daxil olublar və yay mövsumunda bu ölkələrə Bakıdan birbaşa avia uçüşlar  təşkil olunur.  Baltikyanı ölkələr 50 il Sovetlər Birliyinin üzvü  olsa da, onları sovetləşdirmək və assimilyasiya  etmək  mümkün olmayıb. Bu ölkələrin xalqları  sonacan öz dillərini, tarixlərini və mədəni irslərini qoruyub saxlaya biliblər.

Kəhraba vətəni Litva

Əhalisinin sayına görə Litva Baltikyanı ölkələrin ən böyüyüdür.  Onun əhalisi 3,1 mln nəfər təşkil edir. Litvanın paytaxtı Vilnyus şəhəri Neris çayının sahilində yerləşir. Neris çayinın sahili və onun üzərindəki körpülər Vilnyusa xüsusi gözəllik verir. Vilnyusda qonaqları həmçinin YUNESKO tərəfindən ümumdünya mədəniyyət irsi kimi tanınan “Köhnə şəhər”in memarlıq inciləri gözləyir. Baltikyanı ölkələrin mədəniyyət mərkəzi sayılan Kaunas müxtəlif muzey və qalereyalarla zəngindir.

Litva təbiəti çox əsrarəngiz  və rəngarəngdir. Litvanın şəfalı palçıq və mineral su mənbələri toxunulmaz meşələrlə əhatə olunub. Qeyd edək ki, Litvanın sahilyanı Klaypeda və Palanqa şəhərlərinin çimərlikləri təmizliyinə görə Avropa Birliyi tərəfindən “Mavi bayraqlar”la manşırlanıb.

Pribaltikanın mirvarisi - Latviya

Latviyaya səyahət – yekcins adi həyatdan can qurtarmaq, öz  ruhuna və cisminə bayram  hədiyyəsi etmək üçün ən yaxşı məkandır. Burada gözəl təbiətin qoynunda,  şəfalı şam ağacları və dəniz havasında su idman növləri ilə məşğul olmaqla yanaşı,  mənzərəli yerlərlə də tanış olmaq mümkündür .

Latviyanın paytaxtına səyahət  qədim memarlıq nümünələrini seyr etmək, Köhnə Riqanın dar küçələrini dolaşmaq, Doms Kilsəsinə, qədim Avropa şəhərinin gecə həyatına baş vurmaq və alış-veriş etmək üçün gözəl bir fürsətdir. Yayda Latviyaya səyahət edən  turist onun mədəniyyət paytaxı olan Yurmalaya baş çəkməsə bağışlanmaz səhvə yol vermiş olar. Burada ənənəvi olaraq Şən və Hazırcavablar Komandasının müsiqili festivalı, estrada mahnıları ifaçılarının “Yeni dalğa” beynəlxalq müsabiqəsi və s. bu kimi möhtəşəm tədbirlər keçirilir.

Estoniya lətafəti

Baltikyanı ölkələrin hamısının öz incisi var, amma onların içində turistlər üçün Estoniya əsl sirrdir.  Bu ölkəyə səyahət edənlər orta əsrlərə aid məhəllələrə ekskursiya etmək, əzəzmətli qəsrlərə baş çəkməklə yanaşı, ən müasir meqapolisdə əylənmək imkanına malikdirlər. Bundan əlavə Estoniya öz müalicəvi kurortları, iynəyarpaqlı meşələri, təəcübedici xalq ənənələri ilə şöhrətlənir. Qeyd edək ki, Estoniyanın paytaxtı Tallin 2011-ci ildə Avropanın Mədəni Paytaxtı adına layiq görülüb.

Bundan əlavə Baltik yanı ölkələrin hamısında otel seçmək imkanı çox genişdır. Turistlər dəbdəli otellərlə yanaşı, kənd malikanəsi və ya köhnə şəhərlərin butik- otellərini də seçmək imkanına malikdirlər.

 Baltik yanı ölkələr haqqında yazılanlara əlavə olaraq qeyd edək ki, burada bizim turistlər üçün olduqca əlverişli rominq qiymətləri qüvvədədir.     Azercell-in təqdim etdiyi keyfiyyətli xidmətlər və unikal rominq tarifləri sayəsində azərbaycanlı turistlər xaricdə belə öz əzizləri ilə daima ünsiyyət qura bilərlər.   Bu imkan Azərbaycandan Azercell-in və Avrasiyanın digər ölklərindən TeliaSonera qrupuna aid daha 14 operatorun daxil olduğu vahid rominq şəbəkəsi sayəsində yaramışdır. Qeyd edək ki, TeliaSonera Qrupuna aid mobil operatorların təmsil olunduğu bütün ölkələrdə unikal rominq tarifləri tətbiq olunur. Buraya turistlərin sevimli istiqamətləri olan İspaniya, Danimarka, Skandinaviya, Baltik yanı ölkələr, Orta Asiya, Nepal və digərləri daxildir.           

Bu ölkələrə səfər edən Azercell abunəçilərinə öz vəsaitlərinə qənaət etmək və daha sabit və dayanıqlı rabitə əldə etmək istəyirsə, adı çəkilən operatorlar vasitəsilə rominq xidmətinə qoşulmaq tövsiyə olunur. Həmçinin, unutmayın ki, yay mövsümü ilə əlaqədar 13 iyun- 31 avqust tarixləri arası Azercell Fakturalı xətt abunəçiləri üçün rominq depozitlərini ləğv edib! İndi Azercell Fakturalı xətt abunəçiləri depozit məbləği ödəmədən müvafiq açar sözünü (START/STOP/STATUS) 8808 qısa nömrəsinə SMS göndərməklə rominq xidmətini aktivləşdirmək, deaktivləşdirmək və cari status haqqında məlumatı əldə edə bilərlər.

 Səyahət etməyə tələsin və Azercell-in həm sərfəli, həm də keyfiyyətli xidmətlərindən yararlanın!