
"Azərenerji" 250 nəfəri işdən çıxarıb
"Azərenerji" SC 250 nəfərədək işçi ilə ötən ilin sonunda başa çatan əmək müqaviləsinin müddəti uzatmayıb.
ASC-nin mətbuat xidmətinin məlumatına görə, son illərdə həyata keçirilmiş məqsədyönlü tədbirlər nəticəsində enerji sistemi yenidən qurulub və modernləşdirilib, maddi-texniki baza müasirləşdirilib. Bu zaman yeni və müasir texnika və texnologiyalar tətbiq edilib ki, bu da hər bir işçidən müvafiq biliklər, yüksək peşə hazırlığı tələb edir.
Səhmdar Cəmiyyətin tabeçiliyində olan müəssisələrdə çalışan, lakin ixtisas və bilik səviyyəsi bu tələblərə cavab verməyən 250 nəfərədək işçi ilə ötən ilin sonunda başa çatan əmək müqaviləsinin müddəti uzadılmayıb, onların hər birinə, mövcud əmək qanunvericiliyinə əsasən, müvafiq kompensasiya ödənilib.
“Azərenerji” ASC ixtisas və bilik səviyyəsi enerji sisteminin müasir texnoloji tələblərinə və idarəetmə prinsiplərinə cavab verən mütəxəssislərin müsabiqə əsasında işə qəbulunu davam etdirir, - deyə məlumatda bildirilir.
Amma Turan “Azərenerji” ASC-dəki mənbələrdən öyrənib ki, bu il ştatların ixtisarı davam edəcək. Ən böyük ixtisarın “Azərenerji” ASC-nin 2 elektrik stansiyasının olduğu Mingəçevirdə baş verəcəyi gözlənilir. Orda 300 nəfərin ixtisarı planlaşdırılır. –12В--
-
- İqtisadiyyat
- 26 Yanvar 2016 15:14
-
- Foto sessiyalar
- 26 Yanvar 2016 15:25
İqtisadiyyat
-
Azərbaycanın korporativ sektoru, əməkdaşları qiymətləndirmək üçün uyğun bir sistem yaratmalıdır. PASHA Holding-in icraçı direktoru Cəlal Qasımov, Bakıdakı İnsan İnkişafı Forumunda çıxış edərək, əməkdaşların yalnız nəticələrə əsaslanaraq qiymətləndirilməsindən daha irəli getməyin vacibliyini vurğulayıb.
-
Azerbaycanın Xəzər dənizində yerləşən Azeri Central East (ACE) platformasının istifadəyə verilməsi 2024-cü ildə BP üçün mühüm mərhələ olub, BP-nin CEO-su Murray O'Kinkloss 11 fevralda şirkətin 2024-cü il üzrə hesabatını təqdim edərkən belə deyib.
-
Orta Korridor (Transkaspiyalı Beynəlxalq Nəqliyyat Marşrutu, TMTM) boyunca yüklərin daşınması 2024-cü ildə rekord 3,3 milyon ton təşkil edib ki, bu da illik 20%-lik artım deməkdir, deyə Beynəlxalq “Transkaspiyalı Beynəlxalq Nəqliyyat Marşrutu” Assosiasiyasının Baş Katibi Xeydar Abdikəlimov bildirib.
-
Azərbaycanın milli aviadaşıyıcısı AZAL və İsrailin El Al aviaşirkəti kod-şer razılaşması çərçivəsində yeni tərəfdaşlıqlarını elan ediblər, bu da hər iki aviaşirkətin sərnişinlərinə birgə reyslərdən yararlanmaq imkanı verəcək, şirkətlər bazar günü verdikləri bəyanatda bildiriblər.
Rəy yaz