“Azərqarant” sığorta şirkətinin səhmdarları şirkətin ləğvi barədə qərar qəbul ediblər. Bunu Turan-a şirkətin İdarə Heyətinin sədri Rəşad Məmmədov bildirib.
Onun sözlərinə görə, şirkətin bağlanmasına əsas səbəb kommersiya bankları ilə yaranmış vəziyyətdir.
“Bizim vəsaitin böyük hissəsi Atrabankda depozit şəklində yerləşdirilib. Bank bağlanandan sonra biz kapitalla bağlı problemlə üzləşməli olduq”, - o bildirib.
R.Məmmədov qeyd edib ki, onlar gələcək fəaliyyət üçün vəsait tapa bilər. Ancaq bank sisteminə inamsızlıq onları son tədbirə əl atmağa vadar edib ki, bu da şirkətin ləğvidir.
“Təkcə 2016-cı ildə 10 bank bağlanıb. Biz bank sisteminə etibar etmirik. Vəsait tapıb hansısa bankda yerləşdirə bilərik. Ancaq birdən həmin bank bağlansa, onda necə olacaq? Odur ki, fəaliyyətimizi dayandırmağı qərara aldıq”, - R.Məmmədov bildirib.
Onun sözlərinə görə, artıq Maliyyə Bazarlarına Nəzarət Palatasına müvafiq məktub göndərilib.
“Azərqarant” 1997-ci ildən fəaliyyət göstərib. Şirkətdə 12 əməkdaş çalışıb. Şirkətin nizamnamə kapitalı 5 mln. 610 min manat təşkil edib. 71В
İqtisadiyyat
-
Avropada təbii qazın qiymətləri cümə günü 2023-cü ilin oktyabr ayından bəri ən yüksək səviyyəyə yüksələrək, bölgədə gözlənilən soyuq hava dalğası fonunda artan tələbat gözləntilərini əks etdirib.
-
ABŞ-ın prezidenti Donald Trampın təklif etdiyi enerji və ticarət siyasətləri qlobal neft və qaz qiymətlərində uzunmüddətli enişə səbəb ola bilər. Bu isə 2026-cı ildən etibarən Azərbaycanda iqtisadi sabitliyin pozulmasına gətirib çıxara bilər, əgər fundamental struktur islahatları həyata keçirilməzsə, iqtisadçı Qubad İbadoğlu son analizində xəbərdarlıq edib.
-
Azərbaycan kənd təsərrüfatı sektorunu şaxələndirmək istiqamətində addım ataraq ölkənin ilk kommersiya məqsədli banan istehsalına start verib. Yerli istehsalçı Fruitland tropik meyvələri daxili bazara təqdim edir.
-
Azərbaycan, Gürcüstan, Türkiyə və Bolqarıstan yaşıl enerjinin ötürülməsi sahəsində qarşılıqlı anlaşma memorandumu layihəsinin mətnini razılaşdırıblar. Bu, regionda dayanıqlı enerji əlaqələrinin inkişafında mühüm addım kimi qiymətləndirilir. Sənəd ölkələr arasında enerji mübadiləsini genişləndirmək və Yaşıl Enerji Dəhlizi layihəsi üçün hüquqi baza yaratmaq məqsədini daşıyır.
Rəy yaz