"Azərqarant Sığorta"nın imkanları daralır

"Azərqarant Sığorta" bu ilin 3 rübündə 568,93 min manat mükafat yığıb. Ötən ilin eyni dövrü ilə müqayisədə azalma 2 dəfədən çoxdur (ötən il 1 mln 341,73 min manat). Bütün mükafatlar könüllü növlər üzrədir. 

Bədbəxt hadisə və xəstəliklərdən sığorta üzrə 476,91 min manat yığılıb. Bu, mükafatların 83,8%-dir. 

Əmlakın yanğından və başqa risklərdən sığortası üzrə 52,44 min manat, avtomobillərin КАСКО sığortası üzrə 38,9 min manat, KTS üzrə 680 manat yığılıb. "Azərqarant Sığorta"nın ödənişləri 196,02 min manatdır. Bu, ötən ilin eyni dövründəkindən 120 min manat çoxdur. 

Ödənişlərin çoxu bədbəxt hadisə və xəstəliklərdən sığorta (155,37 min manat) üzrədir. Avtomobillərin КАСКО sığortası üzrə 39,6 min manat, KTS üzrə 810 manat, AVSMMİS üzrə 240 manat ödənilib. Azalama 4 ildir davam edir və bunu məmurlara məxsus şirkətlərin bir sıra strukturları sıxışdırması ilə əlaqələndirirlər. 

«Azərqarant Sığorta» 1997-ci ildə yaradılıb, 2008-ci ildə 5 illik lisenziya alıb. 

   Şirkətin təsisçisi bir fiziki şəxsdir. Şirkət 24 növ üzrə sığorta fəaliyyəti göstərir, bundan 3-ü icbari, 21-i könüllüdür.    «Azərqarant Sığorta»ın Gəncə, Quba və Zaqatalada filialı var. Nizamnamə kapitalı 5,61 mln manatdır. --17D-