"Azərqarant Sığorta" bu ilin 3 rübündə 568,93 min manat mükafat yığıb. Ötən ilin eyni dövrü ilə müqayisədə azalma 2 dəfədən çoxdur (ötən il 1 mln 341,73 min manat). Bütün mükafatlar könüllü növlər üzrədir.
Bədbəxt hadisə və xəstəliklərdən sığorta üzrə 476,91 min manat yığılıb. Bu, mükafatların 83,8%-dir.
Əmlakın yanğından və başqa risklərdən sığortası üzrə 52,44 min manat, avtomobillərin КАСКО sığortası üzrə 38,9 min manat, KTS üzrə 680 manat yığılıb. "Azərqarant Sığorta"nın ödənişləri 196,02 min manatdır. Bu, ötən ilin eyni dövründəkindən 120 min manat çoxdur.
Ödənişlərin çoxu bədbəxt hadisə və xəstəliklərdən sığorta (155,37 min manat) üzrədir. Avtomobillərin КАСКО sığortası üzrə 39,6 min manat, KTS üzrə 810 manat, AVSMMİS üzrə 240 manat ödənilib. Azalama 4 ildir davam edir və bunu məmurlara məxsus şirkətlərin bir sıra strukturları sıxışdırması ilə əlaqələndirirlər.
«Azərqarant Sığorta» 1997-ci ildə yaradılıb, 2008-ci ildə 5 illik lisenziya alıb.
Şirkətin təsisçisi bir fiziki şəxsdir. Şirkət 24 növ üzrə sığorta fəaliyyəti göstərir, bundan 3-ü icbari, 21-i könüllüdür. «Azərqarant Sığorta»ın Gəncə, Quba və Zaqatalada filialı var. Nizamnamə kapitalı 5,61 mln manatdır. --17D-
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz