Səhmdarlar yığıncağının qərarına əsasən, "AzSığorta" ASC-nin Direktorlar Şurasının yeni sədri təyin edilib.
Şirkətin saytının məlumatına görə, Bu vəzifəyə əvvəllər İdarə heyəti sədrinin birinci müavini vəzifəsini tutan Aleksandr Kananadze təyin olunub. Ondan öncə bu vəzifəni Şədiyə Amanova tutub. Direktorlar Şurasına həmçinin 1 il müddətinə Ziya Talıbov və Murad Əhmədov daxil olublar.
Aleksandr Kananadze Bauman adına Moskva dövlət texniki universitetini bitirib və maliyyə sahəsində MBA dərəcəsini alıb. Sığorta sahəsində 15 illik təcrübəyə malikdir. "Allianz" və "Zurich" kimi dünyanın nəhəng sığorta şirkətlərində rəhbər vəzifələr tutub.
Nizamnamə kapitalı 20,3 mln manat olan «AzSığorta» 2006-cı ildən fəaliyyət göstərir. Sahibi və təsisçisi Hikmət İsmayılovdur. Şirkət Nicat və Tale Heydərovlara məxsus «Gilan Holding»ə üzvdür.
Dövlət Sığorta Nəzarəti Xidmətinin məlumatına görə, ötən il şirkətin mükafatları 32,76 mln manat (2014-cü ilə nisbətən mənfi 10,85%), ödənişləri 7,9 mln manat (mənfi 19,2%) olub. --17D—
İqtisadiyyat
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
-
Azərbaycanda taksi minik avtomobillərinin orta yaşı 15-dən 7-yə düşüb. Bu barədə Azərbaycan Yerüstü Nəqliyyat Agentliyinin (AYNA) yaydığı məlumatda bildirilir. Agentlik bunu "islahatların nəticəsi" kimi dəyərləndirib.
-
Qazaxıstan, İrana və Azərbaycana taxıl ixracını bərpa etməklə beynəlxalq taxıl bazarlarında mövqeyini möhkəmləndirib. Bu barədə ölkənin Kənd Təsərrüfatı Nazirliyi məlumat yayıb.
-
Son illərdə Azərbaycan səssizcə dinamik bir startap ekosistemi formalaşdırıb və bu ekosistem artıq beynəlxalq səviyyədə maraq doğurmağa başlayıb. Rəqəmsal təhsil platformalarından aqrotexnologiya sahəsindəki innovasiyalara qədər bu startaplar ölkənin texnologiya və sahibkarlığa artan marağını əks etdirir. Dövlət dəstəyi, beynəlxalq əməkdaşlıq və cəsarətli sahibkarlıq vizyonunun birləşməsi bir neçə Azərbaycan startapını qlobal səhnəyə çıxarıb.
Rəy yaz