Əmanətlərin Sığortalanması Fondu bağlanmış 4 bankın - “Parabank”, “Zaminbank”, “Kredobank” və “Dekabank” əmanətçilərinin 72,6%-nə kompensasiya ödəyib. Bu barədə fondun məlumatında deyilir.
Turan bildirir ki, 4 bankın əmanətçilərinin ümumi məbləği 31 min 959 nəfər təşkil edir.
İndiyədək 1915 əmanətçiyə 56 min 455 manat ödənilib.
Bundan öncə Əmanətlərin Sığortalanması Fondunun icraçı direktoru Azad Cavadov bildirib ki, dörd bank üzrə kompensasiyanın ümumi məbləği 110 mln. 714 min manat təşkil edir.
Fondun məlumatında qeyd olunur ki, hər əmanətçiyə kompensasiya bir dəfə və tam həcmdə verilir.
“Əmanətçilərə kompensasiyanın hissə-hissə verilməsi qanunvericiliyə ziddir və Fondun proqram sistemində nəzərdə tutulmayıb”, - məlumatda deyilir.
Fonddan bildirilib ki, əmanətçinin bir bankda, o cümlədən bankın yerli filiallarında və şöbələrində bir neçə əmanəti olduqda, yaxud həm milli, həm də xarici valyutada əmanətləri olduqda, onlar toplanır və bir əmanət kimi manatla kompensasiya olunur.
2016-cı il iyulun 21-də Maliyyə Bazarlarına Nəzarət Palatası “Dekabank”, “Kredobank”, “Parabank” və “Zaminbank”ın lisenziyalarını geri alıb. Palata lisenziyanın geri alınmasının səbəblərini “həmin bankların aktivlərinin qanunvericiliyə uyğun təsnif edilməməsi, onların lazımi ehtiyatlarının olmaması və ümumi kapitalın 50 mln. manat həcmində tələbə uyğun olmaması” ilə izah edib. 73D
İqtisadiyyat
-
2024-cü ildə qlobal ərzaq qiymətləri azalsa da, Azərbaycan bu tendensiyanı pozaraq ərzaq xərclərinin artımını qeydə aldı. Ekspertlər hesab edirlər ki, daxili bazarın qorunması üçün kənd təsərrüfatı istehsalının təcili olaraq genişləndirilməsi zəruridir.
-
Avropa İttifaqının ən böyük iqtisadiyyatlarından biri olan İtaliya, 2024-cü ildə daxili qaz istehlakındakı əhəmiyyətli azalmaya baxmayaraq, Azərbaycan təbii qazının əsas idxalçısı mövqeyini möhkəmləndirdi. Ölkə illik 61,7 milyard kubmetr qaz tələbatının böyük hissəsini ödəyərək 58,7 milyard kubmetr qaz idxal etdi ki, bu da 2023-cü illə müqayisədə 2,5% azalma deməkdir. Bu məlumat İtaliyanın enerji bazarı tənzimləyicisi GME tərəfindən yayımlanıb və İtaliyanın enerji mənbələri və istehlak nümunələrindəki dəyişiklikləri vurğulayır.
-
Şahdəniz qaz-kondensat yatağının operatoru olan BP bazar günü elan edib ki, Şahdəniz Alfa platformasında istehsal 18 yanvar axşamından bərpa edilib. Bu, Şahdəniz Alfa platforması ilə Səngəçal terminalı arasındakı sualtı kondensat ixrac boru kəmərində texniki problemin tam həllindən sonra baş verib.
-
SOCAR prezidenti Rövşən Nəcəf 18 yanvar tarixində Pakistanın Dövlət Neft Naziri Musadik Malik ilə görüşüb. SOCAR-ın məlumatına görə, müzakirələr zamanı enerji sahəsində birgə həyata keçirilən layihələr, əldə edilən nəticələr və müxtəlif sahələrdə, o cümlədən neft məhsulları ticarəti sahəsində əməkdaşlıq imkanları müzakirə olunub.
Rəy yaz