Bakcell rəhbəri dördüncü mobil rabitə operatorunun yaradılması imkanlarını anlamır

Bakcell şirkətinin baş icraçı direktoru güman edir ki, dördüncü mobil rabitə operatorunun olması Azərbaycan bazarı üçün rentabelli olmaya bilər.

Bu gün o, yerli jurnalistlərə bildirib ki, dünya maliyyə bazarındakı qeyri-sabitlik bütün Avropa boyunca mobil operatorların sayının azalma tendensiyasını irəlicədən müəyyən edib. Əgər nəzər salsaq, görərik ki, məsələn, İtaliyada onların sayı dörddən üçədək, Böyük Britaniyada beşdən üçədək, Fransada beşdən dördədək azalıb.

“Bizə aydın deyil ki, neftin qiymətlərinin azalması fonunda Azərbaycanda dördüncü mobil operatoru necə yaradıla bilər", - o vurğulayıb və «Delta Telecom» şirkətinin (yerli bazarda ilkin İnternet xidməti provayderi) mobil rabitə xidmətinin göstərilməsi planları barədə bəyanatına işarə edib.

Xatırladaq ki, bu qurum bildirib ki, ilkin mərhələdə LTE bazasında məlumatların ötürülməsi xidmətlərini planlaşdırır, sonra GSM standartında səsli xidmətlərin göstərilməsinə başlayacaq. Şirkət lisenziya almaq üçün Rabitə və Yüksək Texnologiyalar Nazirliyinə müraciət etmək niyyətindədir. Şirkət bu layihənin texniki detallarının reallaşmasını 2016-cı ilin birinci kvartalında başa çatdırmağı planlaşdırır. Mobil rabitə xidməti Delta Telecom - Telecom Invest törəmə şirkəti brendi altında fəaliyyət göstərəcək.

  Hələlik yerli bazarda üç mobil rabitə fəaliyyət göstərir - Azercell, Bakcell və Azerfon (Nar). Bu şirkətlərin xidmətləri Ermənistanın işğal etdiyi ərazilərdən başqa ölkənin bütün ərazilərini əhatə edir.--17D—