Bakı-Gəncə -Bakı ekspress qatarının hərəkəti bir ay müddətinə dayandırılır. Bu barədə Turan-a “Azərbaycan Dəmir Yolları” QSC-nin mətbuat xidmətindən bildiriblər.
Qeyd olunub ki, bir sıra səbəblərdən 608/607 saylı Bakı-Gəncə-Bakı ekspress qatarının dayandırılmasına qərar verilib. “Birinci, müştəri sayı az idi, bununla da iqtisadi səmərəlilik yox idi, digər tərəfdən isə yolda təmirlə bağlı gecikmələr olurdu. Bütün bunlar nəzərə alınaraq qərar verildi”, - mənbə bildirib.
Ölkənin iki böyük şəhəri arasında ekspress qatar bir neçə ildir ki, fəaliyyət göstərirdi. İri yaşayış məntəqələrində kiçik fasilələr etməklə 380 km. –lik məsafəni 6 saata gedirdi. Bu, həmin istiqamətdə hərəkət edən adi sərnişin qatarından iki dəfə tez idi. -05В-
İqtisadiyyat
-
Mərkəzi Bank (AMB) 13 noyabr tarixində İdarə Heyətinin qərarına əsasən "Yaşıl taksonomiya"nı təsdiqləyib.
-
Azərbaycan Dövlət Neft Şirkəti (SOCAR) Bolqarıstanın "Asarel Energy" şirkəti ilə birgə inkişaf haqqında saziş imzalayıb. Bu şirkət Asarel Medet holdinq qrupunun bir hissəsidir. Saziş 13 noyabrda COP29 sammiti çərçivəsində Azərbaycan Prezidenti İlham Əliyev və Bolqarıstan Prezidenti Rumen Radevin iştirakı ilə imzalanıb.
-
"Saudi Electricity" şirkətinin baş direktoru Xalid əl-Hamidi və Azərbaycanın dövlət enerji şirkəti "Azərenerji"nin sədri Baba Rzayev, Bakıdа keçirilən COP29 sammitində çərşənbə günü anlaşma memorandumu (MoU) imzaladılar. Saziş Azərbaycanın Energetika Naziri ilə Səudiyyə Ərəbistanı Energetika Naziri arasında "Mavi zona"da baş tutan yüksək səviyyəli görüşdən sonra imzalanıb və Azərbaycanın enerji sisteminə bərpa olunan enerji mənbələrinin inteqrasiyasını gücləndirməyə yönəlib.
-
Yunanıstan-Bolqarıstan İnterkonnektorunun (IGB) operatoru ICGB-nin baş direktoru Teodora Georgieva, COP29 sammitinin kulislərində jurnalistlərlə söhbətində, Rusiya qazının Ukrayna vasitəsilə tədarükünün dayandırılma ehtimalı fonunda Azərbaycanın və digər qaz tədarükçülərinin Avropa İttifaqı üçün kritik rolunu vurğuladı.
Rəy yaz