Bakı köhnə məhəllələrdən sakinləri çıxarandan sonra Berlinin şəhərsalma normalarını tətbiq edəcək

Almaniya Azərbaycanda Şəhərsalma və Tikinti Məcəlləsinin reallaşdırılmasını dəstəkləməyə hazırdır. Milli Məclisdə Almaniya tərəfinin iştirakı ilə bu məsələ müzakirə edilib. 

Almaniya və Beynəlxalq Əməkdaşlıq Cəmiyyətinin “Cənubi Qafqazda məhkəmə və hüquq islahatlarının dəstəklənməsi” proqramının Azərbaycan üzrə layihə rəhbəri Tomas Melser bildirib ki, Bakı Berlinin təcrübəsindən istifadə etsə, yaxşı olar. O deyib ki, layihə çərçivəsində Mingəçevir və Masallıda seminarlar keçiriləcək. 

MM Aparatının İnzibati və hərbi qanunvericilik şöbəsinin müdir müavini Səyyad Kərimov bildirib ki, bu gün sənəd işləmir, çünki perspektivə hesablanıb. 

Almaniyanın Baden-Vürttemberq Torpağının Ali İnzibati Məhkəməsinin sədri Folker Ellenberqer isə qeys edib ki, məcəllə tətbiq edilərkən problemlər yaranacaq. Almaniya məcəlləsində 250, Azərbaycan analoqunda 40 maddə var. 

Əsas problem hökumət, dövlət və bələdiyyə qtrukturlarının səlahiyyəti ilə bağlıdır. Almaniyada dövlətin strateji maraqları ilə yanaşı sökülən binaların sakinlərinin də marağı nəzərə alınır. 

«İnfrastruktur obyektləri, yollar, yaşıllıqlar və s. salınanda bütün tərəflərin maraqları nəzərə alınır», - deyə o qeyd edib. 

Bakıda əvvəlcə torpaq alıb tikir, sonra layihəni müxtəlif qurumlarla razılşadırırlar. Əhalinin marağı kənarda qalır, çünki ekologiayaya, təhsilə, avtomobil infrastrukturuna normativ tələblər nəzərə alınmır. --17D—