2013-cü ildə Bakı mehmanxanalarının sırasına 7 obyekt (ümumi nömrə sayı 451) əlavə olunub və onların sayı 129-a çatıb. Mehmanxanaların gəlirləriı 36,2% artıb, deyə Dövlətstatkomun Bakı Statistika İdarəsində Turan-a bildiriblər.
Ötən il Bakı mehmanxanalarının gəlirləri 146,8 mln manat olub. Bunun 62,6%-i (92 mln manat) nömrə satışının payına düşür. 2013-cü ildə Bakı mehmanxanalarında 6837 nömrə olub. Mehmanxana və mehmanxana tipli müəssisələrdə birdəfəlik tutum 10521 yerdir.
Mehmanxana və mehmanxana tipli müəssisələrin 85,2 faizi xüsusi mülkiyyət növünə aiddir. Bakıda tam və ya qismən əcnəbilərə məxsus 17 otel olub. Onlar ötən ilki gəlirlərin 38,5%-ə sahib olub. Maliyyə hesabatına əsasən, mehmanxanalar 456,5 min kirayəçi qəbul edib, bunun 75%-i başqa ölkələrin vətəndaşlarıdır. Bu, əvvəlki ildəkindən 25,5%, 5 il öncəkindən 91% çoxdur. Bu, əsasən, mehmanxana biznesinin leqallaşması ilə bağlıdır.
Ötən il Bakı mehmanxanalarının işçi sayı 1000 nəfər artaraq 5,3 min nəfərə çatıb. İl ərzində əmək haqqı fondu 2 dəfə artaraq 38 mln manatı keçib. Bakıda nömrələrin qiyməti 50 manatdan (Comfort İnn Hotel) 380 manata (Fuor Seasons Hotel Baku) qədərdir. 08B
İqtisadiyyat
-
BMT-nin İqlim Dəyişiklikləri üzrə Çərçivə Konvensiyasının 29-cu Tərəflər Konfransı (COP29) iqlim dəyişikliyinə qarşı qlobal vahid cavab istiqamətində əhəmiyyətli bir addım atdı. Bakıdakı müzakirələrin ilk günündə iştirakçı ölkələr karbon kreditlərinin yaradılması və ticarəti qaydaları üzrə tarixi razılıq əldə etdilər. Bu qərar, BMT-nin nəzarətində olacaq çoxmilyardlıq karbon kreditləri bazarının gələn il kimi erkən bir vaxtda işə salınmasına yol açır.
-
Azərbaycan Dövlət Neft Şirkəti (SOCAR), Albaniyanın İnfrastruktur və Energetika Nazirliyi və Albaniyanın qaz şirkəti Albgaz 29-cu BMT-nin İqlim Dəyişikliyi Konfransı (COP 29) çərçivəsində bazar günü Bakıda Anlaşma Memorandumu (MoU) imzaladılar.
-
Gürcüstan Baş nazirinin birinci müavini və İqtisadiyyat və Davamlı İnkişaf naziri Levan Davitaşvilinin sözlərinə görə, Azərbaycanın yaşıl enerjisinin Gürcüstan və Qara dəniz vasitəsilə Rumıniya, Macarıstan və Bolqarıstana çatdırılmasını nəzərdə tutan "Yaşıl Enerji Dəhlizi" layihəsi investisiya qiymətləndirmə mərhələsinə daxil olub.
-
Azərbaycanın Dövlət Neft Şirkəti (SOCAR) və İtaliyanın Italgas şirkəti BMT-nin İqlim Dəyişikliyi üzrə Çərçivə Konvensiyasının 29-cu sessiyası (COP29) çərçivəsində bazar günü enerji keçidini sürətləndirmək məqsədilə əməkdaşlıq sazişi imzalayıb.
Rəy yaz