Bakı meriyası şəhərin inkişaf planını yanvarda ala bilər
Turan Agentliyinə məlum olub ki, Böyük Bakının regional inkişaf planı Bakı ŞİH-ə yanvarda veriləcək.
Hazırda Dövlət Şəhərsalma və Arxitektura Komitəsi layihədə tamamlama işləri görür və sonra onu təsdiq edilmək üçün Nazirlər Kabinetinə göndərəcək.
Əvvəllər planın Bakı ŞİH-ə payızda verilməsi planlaşdırılırdı. Layihənin uzun tarixçəsi var və dəfələrlə yenidən baxılıb. Nəhayət, mayın 15-də onun ictimaiyyətə təqdimatı olub.
Layihənin əsas məqsədlərindən biri Bakını nümunəvi meqapolisə çevirməkdir. Plan tarixi mərkəzi qorumaqla şəhərin sosial-iqtisadi və ekoloji sağlamlaşdırılması tədbirlərini nəzərdə tutur.
, Böyük Bakının regional inkişaf planı 140 mlrd manat qiymətləndirilir. Bakının özünə 90 mlrd manat investisiya ayırmaq planlaşdırılır.
Bu vəsait sosial ehtiyaclara, şəhərin yükünün azaldılmasına, nəqliyyat və kommunal infrastruktura, ekoloji və biznes layihələrə xərclənəcək.
2030-cu ilə kimi həyata keçiriləcək layihə Bakı və Abşeronun bir hissəsi, eləcə də Sumqayıtı (cəmi 282 min ha) əhatə edəcək.
Layihənin 4 əsas ünsürü olacaq: 1)Bakının mərkəzinin müasirləşdirilməsi, 2) Ələt ərazisində nəqliyyat qovşağı və beynəlxalq hava limanı olan 200 min əhali üçün peyk-şəhər tikintisi, 2) şəhərin cənub-şərq istiqamətində inkişafı, 4) paytaxtdan Sumqayıt istiqamətində Sumqayıt da daxil olmaqla, yaşayış zolağının yenidən qurulması.
Bakının ekoloji sağlamlaşdırılmasına xüsusi diqqət ayrılır. Bu məqsədlə NEZ və başqa sənaye obyektləri şəhərin hüdudundan çıxarılacaq. Mayda təqdimat zamanı bildirilib ki, Böyükşor gölü ətrafından Dənizkənarı bulvara qədər 700 metr enliyində yaşıl zolaq yaradılacaq, bu da paytaxtın şımal və cənubunu birləşdirən ekoloji dəhliz yaratmağa imkan verəcək.
Ekspertlərə görə, 2030-cu il üçün Böyük Bakının əhalisi 1 mln nəfər artaraq 3,8 mln nəfərə çatacaq. –0—
-
- İqtisadiyyat
- 2 Oktyabr 2014 14:47
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz