Bakı teleqrafını ikinci cəhddə ələ keçirmək

Hökumət “Bakı Teleqrafı” ASC-nin səhmlərinin 97,38%-i (400 050) investisiya müsabiqəsinə çıxarıb. 7 il əvvəl bu səhmlər “Polton Vencars ltd.” (Böyük Britaniya) şirkətinə satılıb. Onun arxasında Rusiyada yaşayan azərbaycanlı biznesmen İsgəndər Xəlilov durur.

2012-ci ildə “Bakı Teleqrafı” ASC-nin İH sədri Həsən Mustafayev qəflətən bildirdi ki, öhdəliklərə əməl edilmədiyi üçün investisiya müsabiqəsinin nəticələri ləğv olunub. 2006-cı ilin iyununda Əmlak Məsələləri Dövlət Komitəsi Britaniya şirkətini Bakı Teleqrafı” ASC-nin səhmlərinin 98,8%-nin % (884,5 min) satışı üzrə müsabiqənin qalibi elan etdi. Şirkət 4 ildə müəssisəyə $4 mln vəsait qoymalı, dövlət büdcəsinə 2,4 mln manat köçürməli, ƏMDK-yə 40 000 özəlləşmə çeki və 40 000 özəlləşmə opsionu təqdim etməli idi. ƏMDK bu öhdəliklərin icrası üzrə cəmiyyətə heç bir informasiya vermədi.

Səhmlər dövlətə qayıdandan sonra, 2012-ci ilin martında ƏMDK “Bakı Teleqrafı” ASC-nin nizamnamə kapitalını 969 min manat azaltdı. Beləliklə, SC-nin nizamnamə kapitalı 821 min manat təsdiq edilib. Bu, Bakı Teleqrafının on mərtəbəli binasının sökülməsi ilə əlaqələndirildi. SC ziyana görə kompensasiya almadı. İsgəndər Xəlilov Bakı Teleqrafının yerində 5 mərtəbəli elitar yaşayış evi tikdirdi.

Hazırda “Bakı Teleqrafı” ASC profili üzrə işləyir və “Azərpoçt”un binasında yer icarəyə götürüb. ƏMDK-nin məlumatına görə, SC-də 15 nəfər işləyir. Bir il əvvəl işçi sayı 32 nəfər idi. Bu dəfə səhm almaq üçün investorlar investisiya proqramı ilə yanaşı dövlət büdcəsinə ən azı 530 000 manat köçürmək barədə təklif verməlidirlər. --08B—