Ötən həftə Parisdə görkəmli azərbaycanlı rəssam Toğrul Nərimanbəyov vəfat edib. O, son illər Fransada yaşayıb.
T.Nərimanbəyov Əzim Əzimzadə adına Rəssamlıq Məktəbini, sonra Vilnüsdə Litva Rəssamlıq İnstitutunu bitirib.
T.Nərimanbəyovun əsərləri dekorativ-bayram əhval ruhiyyəli olaraq Azərbaycan incəsənətinin milli ənənələri üzərində qurulub. Onlar rənglərin yayılmasının təsirliliyi, forma gərginliyi, koloritin ahəngdarlığı ilə seçilir.
T.Nərimanbəyov öz yaradıcılığını abstrakt sənətin uzlaşması kimi təsvr edirdi.
1975 və 1978-ci illərdə Azərbaycan Kukla Teatrının binası, “Moskva” mehmanxanasının foyesi, Azərbaycan Ali Sovetinin binasının divarlarındakı naxışları rəssamın yaradıcılığının zirvəsi hesab etmək olar.
T.Nərimanbəyov həmçinin teatr dekorasiyaları üzərində işləyib. O, Azərbaycan və SSRİ dövlət mükafatlarınaına layiq görülüb.
Ana tərəfdən fransız olan T.Nərimanbəyov özündə həm parisli zövqünü, həm də şərq insanının temperamantini cəmləşdirmişdi. Mübaliğəsiz demək olar ki, o 20 əsr Azərbaycan rəssamlarının ən görkəmli nümayəndələrindən biri idi.
2001-ci ildən Parisdə yaşayıb və işləyib, qalereyalarla əməkdaşlıq edib.
Hazırda rəssamın dəfn məsələsi açıq qalır. Belə ki, ikinci həyat yoldaşı onun Fransada dəfn olunmasını istəyir. Rəssamın birinci nikahdan olan qızı Əsmər Nərimanbəyova isə atasının cəsədinin Vətənə göndərilməsinə təkid edir. -02D-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz