2016-cı il fevralın 1-dən etibarən Bakı-Yalama-Bakı dəmir yolu marşrutuna “Azərbaycan dəmir yolları” ASC tərəfindən Riqadan alınmış yeni elektrik qatarları buraxılacaq.
Elektrik qatarları əvvəlki kimi Keşlə qəsəbəsindən deyil, Bakı Sərnişin Vağzalından yola çıxacaq, deyə “Azərbaycan Dəmir Yolları” QSC-nin sərnişin daşımaları departamentinin rəisi Əliyar Muradov Turan-a bildirib.
Onun sözlərinə görə, qatarların cədvəli də dəyişib. Onlar Bakıdan hər gün 20:00-da yola çıxacaq və 01:10-da Yalamaya çatacaq.
Yalamadan qatarlar 03:30-da yola çıxacaq və Bakıya 09:15-də çatacaq.
Tarif Şurasının müəyyən etdiyi qiymətlərə əsasən, indi Keşlə-Yalama biletinin dəyəri 1,6 manat təşkil edir. Lakin qiymətin dəyişəcəyi istisna deyil.
Bakı və Dağıstanla tam sərhəddə olan Yalama qəsəbəsi arasında məsafə 200 km təşkil edir. -06D-
İqtisadiyyat
-
2024-cü ildə Azərbaycanın əmək bazarı qarışıq bir mənzərə yaradır: işsizlik səviyyəsində cüzi azalma ilə yanaşı, gənclərin məşğulluğunun təmin edilməsində artan çətinliklər mövcuddur. Məşğulluğun formallaşdırılması və iş yerlərinin yaradılmasında mühüm irəliləyişlərə baxmayaraq, işçi qüvvəsinin artımı ilə mövcud iş yerləri arasındakı uyğunsuzluq ciddi bir problem olaraq qalır.
-
SOCAR Türkiyə Türkiyənin ən böyük xarici investoru, İstanbulda 2024-cü il fəaliyyət nəticələrini nəzərdən keçirmək üçün mətbuat konfransı təşkil edib. Tədbirdə SOCAR Türkiyənin baş icraçı direktoru Elçin İbadov və Şirkətin Emal və Neft-Kimya Biznes Vahidi rəhbəri Kənan Mirzəyev çıxış edərək nəticələr barədə fikirlərini bölüşüblər. Tədbirdə Azərbaycanın media nümayəndələri də iştirak ediblər.
-
Azərbaycanın enerji sektoru ölkə iqtisadiyyatının təməl daşı olaraq qalır və dövlət gəlirlərinin təxminən yarısını təmin edir. Bu, əsasən neftin yüksək qiymətləri ilə dəstəklənir. Neft hasilatında tədricən azalma müşahidə olunsa da, azalma tempi zəifləyib ki, bu da ölkənin karbohidrogen ehtiyatlarının idarə edilməsində sabitləşdirici yanaşmanı əks etdirir.
-
2024-cü ildə Azərbaycan inflyasiya təzyiqləri, davamlı devalvasiya qorxuları və məhdud struktur islahatları ilə xarakterizə olunan çətin iqtisadi dövürdən keçdi. Rəsmi məlumatlar mülayim inflyasiyaya işarə etsə də, dərin iqtisadi zəifliklər və artan ictimai narazılıq ölkənin maliyyə sabitliyinə kölgə saldı, iqtisadçı Qubad İbadoğlu qeyd etdi.
Rəy yaz