2000-ci ildən bəri Bakıda avtomobil nəqliyyatı vasitələrinin sayı azalmağa başlayıb. 2015-ci ildə ölkədə avtomobil nəqliyyatı vasitələrinin sayı 2,4% artsa da, Bakıda 2014-cü ilə nisbətən 1,8% azalıb, deyə Dövlətstatkomda Turan-a bildiriblər.
1 yanvar 2015-ci il üçün Bakıda 728,7 min avtomobil qeydiyyata alınıb.
Bakıda hər 100 ailəyə 52 özəl minik avtomobili düşüb. 2014-cü ildə bu göstərici 114, 2013-cü ildə 118 olub. Bakıda cəmi 586,1 min özəl minik avtomobili var. Bu, 2014-cü ilə nisbətən 14 min ədəd azdır.
Bakıda minik avtomobillərinin sayı dövlət və özəl strukturlarının avtoparkları nəzərə alınmaqla bu ilin əvvəli üçün 634,1 min ədəd olub.
Maraqlıdır ki, Bakıda təkcə avtomobilləri yox, yük avtomobilləri də azalır. Əgər 2014-cü ildə yük avtomobillərinin sayı 64 min olubsa, 2015-ci ildə bu göstərici 62,3 min ədədə azalıb.
2013-cü ildən bakıda sərnişin avtobuslarının sayı azalır. Təkcə ötən il 234 avtobus silinib. Son 4 ildə dövlət, eləcə də özəl şirkətlər yüzlərlə iritutumlu avtobus alıb. Onlar kiçik avtobusları əvəz edib.
Ekspertlərə görə, Bakıda avtomobillərinin sayının azalmasını iqtisadi böhranla bağlı vətəndaşların regionlara axını ilə əlaqələndirmək olar. 08D
İqtisadiyyat
-
Azərbaycanın maliyyə cinayətləri və terrorizmin maliyyələşdirilməsinə qarşı mexanizmləri gücləndirmək üçün strateji addım çərçivəsində Baş nazirin müavini Samir Şərifov yenidən qurulmuş Terrorizmin Maliyyələşdirilməsinə və Digər Maliyyə Cinayətlərinə qarşı Mübarizə üzrə Koordinasiya Şurasının sədri təyin olunub.
-
“Azərbaycan Dəmir Yolları” QSC-nin sədri Rövşən Rüstəmov və İran Dəmir Yollarının rəhbəri Cabbar Əli Zəkəri Sərdrudi Tehranda keçirilmiş Azərbaycan–İran Birgə Hökumətlərarası Komissiyasının iclasında Astara terminallarında əməkdaşlığın gücləndirilməsi məsələsini müzakirə ediblər. Bu terminallar Beynəlxalq Şimal-Cənub Nəqliyyat Dəhlizinin (INSTC) əsas qovşaqları hesab olunur. Görüşdə bu terminalların əməliyyat səmərəliliyinin artırılması və onların strateji əhəmiyyətinin vurğulanması ilə iki ölkə arasında yükdaşımaların artan həcminə dəstək məsələləri diqqət mərkəzində olub.
-
Azərbaycan "Yaşıl Enerji Zonasının" məqsədli qrupunun əlaqələndirilmiş səyləri ilə yaşıl enerjiyə keçidini sürətləndirir. Bu məqsədli qrup son hibrid görüşünü irəliləyişləri nəzərdən keçirmək və gələcək prioritetləri müəyyən etmək üçün təşkil edib. Energetika Nazirliyi çərşənbə günü keçirilən sessiya ilə bağlı açıqlamasında, bu qrupun 2022–2026-cı illər üçün Sosial-İqtisadi İnkişaf Strategiyasının həyata keçirilməsində mərkəzi rolunu vurğulayıb. Bu strategiya Azərbaycanın dayanıqlı inkişaf ambisiyalarının əsasını təşkil edir.
-
Azərbaycanın dövlət mədən şirkəti olan AzerGold, qlobal mədən sektorunda iştirakını genişləndirmək səyləri çərçivəsində Afrikada türk şirkətləri ilə strateji əməkdaşlıq imkanlarını araşdırır. AzerGold QSC-nin İdarə Heyətinin sədri Zakir İbrahimov və Türkiyə Xarici İşlər Nazirliyinin Qərbi və Mərkəzi Afrika Departamentinin rəhbəri Şəbnəm Cenk arasında keçirilən son danışıqlarda qarşılıqlı faydalı tərəfdaşlıq potensialı vurğulanıb.
Rəy yaz