![Bakıda Azərbaycan-Bolqarıstan biznes forumu keçirilib](https://turan.az/resized/./turan-750-500-resize.webp)
Bakıda Azərbaycan-Bolqarıstan biznes forumu keçirilib
Bu gün Bakıda Azərbaycan-Bolqarıstan biznes forumu keçirilib və orada iki ölkə arasında işgüzar əməkdaşlığın genişləndirilməsi, o cümlədən investisiya məsələləri müzakirə edilib.
Biznes forumda çıxış edən iqtisadi inkişaf nazirinin müavini Niyazi Səfərov qeyd edib ki, əlaqələrin inkişafı üçün iki ölkə arasında təkmil müqavilə-hüquqi baza yaradılıb. Hazırda Azərbaycanda Bolqarıstan kapitallı 10 şirkət fəaliyyət göstərir. Səfərovun sözlərinə görə, bolqar biznesmenləri Azərbaycanda ixracyönümlü kənd təsərrüfatı məhsullarının yetişdirilməsi, emalı və qablaşdırılması, turizm, maşınqayırma, kimya və əczaçılıq sahəsi maraqlandıra bilər.
Bolqarıstan Respublikasının regionların inkişafı və ictimai işlər naziri Liliyana Pavlova iki ölkə arasında əməkdaşlığın inkişaf etdiyini vurğulayıb.
Biznes forumun gedişində Azərbaycanın “Azvirt”, Bolqarıstanın “Trace Group” və “Dinamic Resource” şirkətləri, həmçinin Azərbaycanın “Caspian Servece”, Bolqarıstanın “Dinamic Resource” və “Biad Company” şirkətləri arasında əməkdaşlığa dair anlaşma memorandumları imzalanıb.
Biznes forumun işində mühəndislik, elektroenergetika, tikinti və s. sahələrdə çalışan 12 bolqar şirkətinin təmsilçiləri iştirak edib. Bu gün bolqar biznesmenlər bir sıra Azərbaycan şirkətlərində olacaqlar. Azərbaycanda İxracın və İnvestisiyaların Təşviqi Fondunda Turan-a deyiblər ki, onlar tikinti materialları istehsal edən «NB Group» şirkətində də olacaqlar. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz