Bu gün Bakıda Biznes Mərkəzində Qazaxıstanın Manqistau vilayətinin sahibkarlarının iştirakı ilə Azərbaycan-Qazaxıstan Biznes Forumu keçiriləcək.
AZPROMO-da Turan-a bildiriblər ki, Aktau şəhər akimi cənab Edil Janbırişin rəhbərlik etdiyi nümayəndə heyətinin tərkibinə şəhərsalma, tikinti, abadlıq və yaşıllaşdırma işləri, su təchizatı və tullantı sularının idarə edilməsi, zibil və bərk tullantıların emalı, ərzaq təhlükəsizliyi, alternativ enerji və digər sektorları təmsil edən biznesmenlər daxildir.
2012-ci ildə Azərbaycanla Qazaxıstan arasında əmtəə dövriyyəsi $393,3 mln olub. Bu, 2011-ci ildəkindən $118 mln və ya 43% çoxdur. Xarici ticari əlaqələrdə saldo Qazaxıstanın xeyrinədir - $287,7 mln. 2012-ci ildə Qazaxıstana ixracat 9% azalıb, Azərbaycanа qazax ixracatı 56,7% artıb.
2012-ci ildə Azərbaycan $265 mln qiymətində 1,1 mln ton buğda idxal edib. Ölkəyə həmçinin qara metal, kimya məhsulları və s. gətirilib. Azərbaycanın ixracatına meyvə və tərəvəz, şəkər tozu, neft məhsulları və s. daxildir. 08D
İqtisadiyyat
-
Türkiyə ABŞ-la Rusiya Gazprombankına tətbiq olunan sanksiyalardan azad olunmaq üçün danışıqlar aparır. Bu, Rusiya ilə qaz ödənişlərini davam etdirmək məqsədilə edilir, deyə Türkiyənin enerji naziri Alparslan Bayraktar çərşənbə axşamı bildirib.
-
Qazaxıstan öz neft ixracı infrastrukturunu transformasiya etmək üçün iddialı bir kurs seçib. Bu strategiya illik daşınmaların Bakı-Tbilisi-Ceyhan (BTC) boru xətti vasitəsilə 1,5 milyon tondan 20 milyon tona qədər artırılmasını nəzərdə tutur. Qazaxıstanın enerji naziri Almasadam Satkalıyev tərəfindən parlament iclasında təqdim edilən bu cəsur strategiya, ölkənin Mərkəzi Asiyadan Avropaya uzanan enerji təchizatı zəncirində əsas oyunçulardan birinə çevrilmək niyyətini vurğulayır.
-
BP-nin Azərbaycan, Gürcüstan və Türkiyə (AGT) regionu üzrə bölməsinə iki yeni vitse-prezident təyin olunub, BP-Azərbaycanın mətbuat açıqlamasında bildirilir.
-
2024-cü ilin yanvar-oktyabr dövründə Azərbaycanın neft ixracatı ilə bağlı məlumatlar, ötən ilin eyni dövrü ilə müqayisədə həm həcmin, həm də dəyərin əhəmiyyətli dərəcədə azaldığını göstərir və neftdən asılı olan iqtisadiyyatın üzləşdiyi problemləri vurğulayır. Ölkə 495 484,05 ton neft məhsulu ixrac edib və bunun dəyəri 309,02 milyon ABŞ dolları təşkil edib ki, bu da 2023-cü illə müqayisədə dəyər baxımından 40,3%, həcm baxımından isə 40,7% azalma deməkdir. 2023-cü ildə ixracat 925 225,07 ton təşkil edərək 572,21 milyon ABŞ dollarına çatmışdı.
Rəy yaz