Bakıda Beynəlxalq Yeyinti Sənayesi sərgisi açılıb

Bu gün Bakıda Expo Mərkəzdə ənənəvi  Beynəlxalq Yeyinti Sənayesi sərgisi (WorldFood Azerbaijan 2015) açılıb. Açılış mərasimində prezident İlham Əliyev iştirak edib.

Sərgidə həm Azərbaycanın, həm də dünya ərzaq bazarının qida məhsulları istehsalçıları, distribyutorlar və tədarükçülər iştirak edirlər.

Bu il sərgi iştirakçılarının sayı 250 şirkəti ötüb. Sərgidə Bolqarıstan, Almaniya, Hindistan, İtaliya, İspaniya, Qazaxıstan, Koreya, Litva, Niderland, Polşa, Rusiya, Serbiya, Ukrayna, Fransa, Çexiya və başqa ölkələrin şirkətləri təmsil olunublar.

Avstraliya, Argentika, Belarus və Litva milli ekspozisiyalarla təmsil olunublar.

Sərginin ənənəvi bölmələrinə balıq, ət və quş məhsulları, konservləşdirilmis və süd məmulatları, qənnadı məmulatları, soyuducu sistemlər, içki və digər ərzaq növləri çıxarılıb.

Sərgidə çörəkbişirən, qablaşdırıcı avadanlıqları da görmək olar.

Xəzər Beynəlxalq Qablaşdırma, Tara, Etiket və Poliqrafiya sərgisi (Ipack Caspian 2015) qablaşdırma, qablaşdırma materialları, tara və müxtəlif sənaye sahələri üçün hazır bağlamaların istehsalı və tərtibatı üçün avadanlıq təqdim edir.

Sərgi mayın 21-dən 23-dək keçiriləcək. Təşkilatçılar Iteca Caspian LLC və ITE Group PLC-dir. 08D