Bu ilki optimallaşdırma mərhələsi 43 avtobus marşrutunu “yeyəcək”. Dekabrın 1-dən Nəqliyyat Nazirliyi Bakıda avtobus marşrutlarının optimallaşdırılmasının yeni mərhələsinə başlayıb. 2011-ci ilin dekabrında 93 marşrut ixtisar edilib.
Hazırda Bakıda 217 avtobus marşrutu var. Nəqliyyat Nazirliyi onları 174-dək azaldacaq. Nəqliyyat Nazirliyində avtobus marşrutlarının yeni sxeminə keçidin konkret vaxtı deyilmir. Nazirlər Kabinetinin 2010-cu ildə sərnişin daşımalarının təşkili barədə qəraına zidd olaraq, Nəqliyyat Nazirliyi avtobus marşrutlarını daşıyıcı şirkətlərə müsabiəqsiz verir.
Qeyd edək ki, sərnişinlər Nəqliyyat Nazirliyinin növbəti aksiyasını küçədə dispetçer və ya sürücülərdən öyrənir. Nazirliyin saytında marşrut dəyişikliyi barədə heç bir informasiya verilmir. Dövlət Avtomobil Nəqliyyatı Xidmətinin internet resursu belə yoxdur.
Nəqliyyat Nazirliyinin məlumatına görə, 2012-ci ildə xətlərə 200 iri tutumlu, 250 orta tutumlu avtobuslar buraxılıb. 2013-cü ilin əvvəli üçün Bakı şəhər marşrutlarında cəmi 2321, o cümlədən 1423 iri tutumlu, 985 orta tutumlu və şəhərətrafı marşrutlarda 13 kiçik tutumlu avtobuslar istismar olunur. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz