Bakıda elmi-nəzəri nəticələrin iqtisadiyyatda tətbiqi müzakirə ediləcək

Bakı elmi-nəzəri nəticələrin sənaye və iqtisadiyyatda tətbiqi məsələlərinin geniş müzakirəsinin mərkəzi olacaq.

Rabitə və Yüksək Texnologiyalar Nazirliyinin məlumatına görə, 27-29 avqustda Bakıda “COIA-2015” – “İdarəetmə və optimallaşdırmanın sənaye tətbiqləri” mövzusunda V beynəlxalq konfrans (“Control and Optimization with Industrial Applications (COIA-2015)” keçiriləcək.

Tədbirin təşkilatçıları nazirlikdən başqa, Bakı Dövlət Universiteti və Tətbiqi Riyaziyyat İnstitutudur.

Beynəlxalq konfransda Türkiyə, İran, Ukrayna, Şimali Kipr, Nigeriya, Belarus, Rusiya, Bolqarıstan, Çin, Küveyt, Laqos, Qazaxıstan, Fransa, Əlcəzair, Malayziya, Polşa, Misir, Oman, Pakistandan olan mütəxəssislər “Nəzarət və optimallaşdırma”, “Qlobal optimallaşdırma”, “Forma optimallaşdırma”, “İdentifikasiya və əksinə problemlərdə optimallaşdırma metodları”, “İntellektual və qeyri-səlis nəzarət”, “Optimal nəzarətin ədədi üsulları”, “Tətbiqi proqramlar”, “Şəbəkə və telekommunikasiya sistemləri”, “Neft sənayesi”, “İqtisadiyyat”, “Riyazi modelləşdirmə” kimi məsələləri müzakirə edəcək.

Növbəti “COIA” konfransının 27-29 iyun 2017-ci il tarixlərində ABŞ-ın Nyu-York şəhərində St. John Universitetində keçirilməsi planlaşdırılır. --17D—