Maliyyə Nazirliyi dövlət büdcəsinin icrası haqda məlumatı açıqlayıb

Maliyyə Nazirliyi ilin I yarısında dövlət büdcəsinin icrası haqda məlumatı açıqlayıb

Büdcənin gəlirləri 7 mlrd 807,2 mln manat, xərcləri 8 mlrd 577,9 mln manat, kəsir 770,7 mln təşkil edib. 

O cümlədən Neft Fondundan transfertlər (3 mlrd 561,6 mln və ya 45,6%) yenə liderdir. Amma onun xüsusi çəkisi son 10 ilin səviyyəsindən aşağıdır. Vergilər Nazirliyinin xətti ilə mədaxil 3 mlrd 328,8 mln manatdır. Bunun 68,3%-i və ya 2275 mln qeyri-neft sektorunun payına düşür. Gömrük Komitəsindən mədaxil 765,3 mln manat, digər gəlirlər 151,5 mln manat olub.

Xərclərin 4 mlrd 423,2 mln manatı cari xərclər, qalan 3 mlrd 855,3 mln əsaslı xərclərdir (sosial və infrastruktur layihələri, dövlət satınalmaları).

2015-ci ilin yanvar-iyununda Azərbaycan prezidenti regionlarda abadlıq, ASK-ya dəstək, avtoyolların tikintisi və s üçün büdcədən 74 mln manat ayrılması barədə sərəncam verib.

Xərclərin 299,4 mln manatı və ya 3,5% dövlət borclarının ödənilməsinə yönəldilib.

Kəsir ötən ilki profisit hesabına ödənilib.

Bu il büdcənin gəlirləri 19 mlrd 438 mln manat, xərclər 21 mlrd 100 mln manat, kəsir 1 mlrd 662 mln manat və ya ÜDM-in 2,8%-i qədər proqnozlaşdırılıb. --17D—