Fevralın 24-də Bakıda BMT-nin Ərzaq və Kənd Təsərrüfatı Təşkilatının (FAO) Azərbaycanda Tərəfdaşlıq və Əlaqələndirmə Ofisi açılıb.
Bununla bağlı mərasimdə kənd təsərrüfatı naziri Heydər Əsədov və FAO-nun Azərbaycandakı nümayəndəsi Mustafa İmir Azərbaycan Hökuməti ilə FAO arasında “Azərbaycanda toxumçuluq sektorunun inkişafına dəstək” layihəsini imzalayıblar. Layihənin əsas məqsədi toxumçuluq, sortun sınağı və qeydiyyatı, həmçinin toxum emalı və marketinqdə Kənd Təsərrüfatı Nazirliyinə kömək etməkdir. Layihə iki ildə həyata keçiriləcək.
1995-2015-ci illərdə FAO Azərbaycanda 23 layihə həyata keçirib. Hazırda 5 milli və 2 regional layihənin icrası davam edir. 08D
İqtisadiyyat
-
Aqrar İslahatlara Dəstək İctimai Birliyinin rəhbəri Vahid Məhərrəmov Azərbaycanda artan istehlakçı qiymətləri ilə bağlı narahatlığını ifadə edərək, inflyasiya tendensiyasının ölkə üçün ciddi iqtisadi nəticələr doğura biləcəyini xəbərdar edib.
-
Azərbaycanın ipək istehsalı 2024-cü ilin ilk səkkiz ayında illik müqayisədə 32,9% azalaraq 239,4 ton təşkil edib. Bu barədə Dövlət Statistika Komitəsi məlumat yayıb. Azalma kənd təsərrüfatı üzrə ekspert Vahid Məhərrəmov qeyd etdiyi kimi, fermerlər arasında paylanan barama toxumlarının sayının azalması ilə əlaqələndirilir və bu, sektorda uzunmüddətli azalma meylini əks etdirir.
-
Sunniya Durrani-Camal rəsmi olaraq Asiya İnkişaf Bankının (AİB) Azərbaycandakı yeni ölkə direktoru vəzifəsinə başlayıb. O, bu vəzifədə 2021-ci ildən bəri həmin postu tutan Candice Mcdaganı əvəz edib. Durrani-Camal bu vəzifəyə 25 ildən çox peşəkar təcrübə ilə yanaşı, AİB-dəki 16 illik yüksək vəzifə təcrübəsini də gətirir. O, əvvəllər AİB-in Kambocadakı Regional Direktoru və Şərqi Asiya, Cənub-Şərqi Asiya və Sakit Okean üzrə Vitse-Prezidentin Baş Məsləhətçisi vəzifələrində çalışıb.
-
Azərbaycanın iqtisadiyyatını şaxələndirmək səyləri, enerji sektorundan asılılığı azaltmaq məqsədilə illərdir həyata keçirilən siyasət bəyanatlarına və dövlət proqramlarına baxmayaraq, zəifləyir. Ölkə effektiv şaxələndirmə tədbirlərini həyata keçirməkdə çətinlik çəkir və bu, onun xarici iqtisadi təzyiqlərə qarşı həssaslığını artırır, deyə analitiklər bildirirlər.
Rəy yaz