Bakıda kənd təsərrüfatı sektorunun gələcək inkişafını layihələndirmək üzrə seminarı keçirilir
Bu gün Bakıda BMT-nin ixtisaslaşmış agentliyi olan Kənd Təsərrüfatının İnkişafı üzrə Beynəlxalq Fond (İFAD) Azərbaycanda kənd təsərrüfatı sektorunun gələcək inkişafını layihələndirmək üzrə iki günlük seminar təşkil edib.
Seminarda beynəlxalq ekspertlər və donorlar, kənd təsərrüfatı sektorunun inkişafında maraqlı olan vətəndaş cəmiyyəti və hökumət nümayəndələri iştirak edir.
Kənd təsərrüfatı naziri Heydər Əsədov qeyd edib ki, İFAD-ın Azərbaycanla tərəfdaşlığı 1997-ci ildən başlayəb və kənd təsərrüfatının inkişafına, meliorasiya və drenaj sistemini reabilitasiya etməklə biznes imkanını yaxşılaşdırmağa, fermerlərin kreditə güzəştli çıxışına kömək edib.
Hazırda Azərbaycan hökuməti 2014-2020 illərdə Azərbaycan Respublikasında Aqrobiznesin İnkişafı Strategiyası hazırlayır.
Burda kənd yerlərini inkişaf etdirmək məqsədi ilə yeni və innovativ yanaşmalar prioritet hesab edilir.
İFAD-ın regional direktoru Xalidə Bouzar qeyd edib ki, növbəti proqramlar və layihələr heyvandarlıq sahəsi üzrə dəyər zəncirinin gücləndirilməsinə və bu sektorun inkişafına yönələcək.
Bu günə qədər 350 min kənd əhalisi İFAD tərəfindən maliyyələşdirilən proqram və layihələrdən faydalanıb. Fond bu işlərə 67.4 milyon ABŞ dolları məbləğində kredit ayırıb. 08C
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz