Bakıda maliyyə innovasiya forumu açılıb

İyunun 4-də Bakıda Azərbaycan innovasiya forumu açılıb. Tədbirə müxtəlif sahələrdə işləyən 150 yerli və xarici şirkət qatılıb.

İki günlük tədbirdə əsas müzakirə mövzuları  «private banking», aktivlərin idarə edilməsi, elit daşınmaz əmlak, investisiya fondları, broker xidməti, şəxsi və ailə kapitalının idarə edilməsi olub. Hüquqi şəxslər Azərbaycanda investisiyaların strukturlaşdırılmasının hüquqi aspektlər, Azərbaycanın dünya maliyyə bazarına inteqrasiyasını müzakirə edəcək. Tədbirdə bank sektoruna müasir çağırışlar, holdinq şirkətləri əmlakın müdafiəsi aləti kimi və s. məsələlərə toxunulacaq.

İştirakçılar qarşısında Brayn Conson (Platinum Financial Services şirkəti, Britaniya), Alan de saram (CARD, kayman adaları), Marina Kuznetsova (SAXO Bank, Kipr) çıxış edərək, maliyyə alətləri, ofşor şirkətlərin yaradılmasından danışıblar.

Forumda iştirak yeni tərəfdaş və müştərilərə tapmağa, beynəlxalq bazara çıxmağa imkan əldə etməyə, dünya maliyyə, investisiya və qanunvericiliyi barədə məlumat əldə etməyə kömək edəcək, deyə təşkilatçı “Hansa Fincon” şirkətində bildiriblər.

Qanunvericilik bazası olsa da, Azərbaycanda investisiya fondları, kollektiv investisiya institutu yoxdur. Forumda vençur fondları yaradılması üzrə hazır həllərdən istifadə də müzakirə olunub. Vençur fondları innovativ müəssisələr və layihələrlə işləyən investisiya fondlarıdır. Vençur fondları çox yüksək mənfəəti gözlənilən yüksək və ya qismən yüksək riskli  müəssisələrin qiymətli kağızlarına investisiya qoyur.

Forumda bakı Fond Birjası, AZPROMO və “AtaHolding” təmsilçiləri çıxış edəcək. 08C