Bakıda qazax sahibkarların iştirakı ilə biznes forum keçiriləcək

Fevralın 28-də Bakı Biznes Mərkəzində Qazaxıstanın Manqistau vilayətinin nümayəndə heyətinin Azərbaycana səfəri çərçivəsində Azərbaycan- Qazaxıstan Biznes Forumu keçiriləcək, deyə Qazaxıstan Azərbaycanda İxracın və İnvestisiyaların Təşviqi Fondunda (AZPROMO) Turan-a bildiriblər.
Biznes foruma neft emalı, qida emalı, kimya sənayesi, energetika, logistika və digər sahələrdə fəaliyyət göstərən 20 Qazaxıstan iş adamının qatılacağı gözlənilir.
Qazaxıstan nümayəndə heyətinə Alik Aydarbayev rəhbərlik edir. Səfər martın 1-dək davam edəcək.  
Ötən il Bakı və Aktauda iki ölkənin işgüzar dairələrinin çoxlu görüşü keçirilib. İqtisadiyyat və Sənaye Nazirliyinin məlumatına görə, Azərbaycanda 37 qazax şirkəti, Qazaxıstanda Azərbaycan kapitallı 46 müəssisə fəaliyyət göstərir. Azərbaycan Aktauda logistika mərkəzi tikir.
2013-cü ildə iki ölkə arasında əmtəə dövriyyəsi $371 ml olub. Bu, 2012-ci ildən 5,7% azdır (Gömrük Komitəsinin məlumatı). Xarici ticarət əməliyyatlarında saldo Qazaxıstanın xeyrinədir - $242 млн. (2012-ci ildə  $287,7 mln).
2013-cü ildə Qazaxıstana ixracat 21,5% artaraq $64,2  mln olub, bu ölkədən idxal ($306 mln) 10% azalıb.
Azərbaycan Qazaxıstandan buğda, qara metal, kimya məhsulları və s. Idxal edir, Azərbaycanın ixracatına meyvə və tərəvəz, şəkər tozu, neft məhsulları və s daxildir. 08D