«Wizz Air» aviaşirkəti iyunun 17-dən etibarən Budapeşt-Bakı-Budapeşt aviareysi həyata keçirəcək. Aviareys Avropaya səyahət üzrə ən səmərəli və qənaətli üsul olacaq. Bu barədə iyunun 12-də «AtaTravel» MMC-nin Macarıstanın turist sənayesi ilə münasibətlərinin qurulmasına həsr edilmiş mətbuat konfransında «AtaHolding»in ictimai əlaqələr sektorunun rəhbəri Dilarə Zamanova bildirib.
“Budapeşt-Bakı aviareysi bazar ertəsi və cümə günləri cəmi 59.99 avrodan başlayan qiymətlər ilə həyata keçirəcək. Reyslər həftədə iki dəfə olacaq», deyə Wizz Air kommersiya departamentinin rəhbəri Dyerd Abran bildirib. Budapeştdə 3 ulduzlu otellərdə qalmaq 270 avrodan başlayır.
«AtaTravel»in baş direktoru Vüsal Əliyev qeyd edib ki, Macarıstanın «1000 Yol» agentliyi və «Wizz Air» şirkəti ilə 22-28 iyun 2013-cü ildə KİV və Azərbaycan Mədəniyyət və Turizm Nazirliyi üçün infotur keçirəcək. Onun sözlərinə görə, Macarıstana infotur zamanı rəsmi şəxslərlə görüşlər, əməkdaşlığın müzakirəsi, texniki detalların razılaşdırılması, perspektiv üçün plan hazırlanması nəzərdə tutulub. Həmçinin sentyabrda macar operatorların Azərbaycana infoturunun təşkili müzakirə ediləcək.
Dilarə Zamanova qeyd edib ki, bu, Azərbaycanın turizm sahəsi üçün yeni istiqamətdir. Bu ölkədə turist sektoru inkişaf edib, gözəl təbiəti var.
Turizmlə yanaşı Macarıstanla, o cümlədən Debresen Universiteti ilə əməkdaşlığın inkişafı planları var. Onun 15 fakültəsində 30 min tələbə oxuyur, bunun 4 mini 50 ölkədən olan xarici tələbələrdir.
Mayın əvvəlində «AtaTravel» şirkəti 30 Rusiya turist şirkəti üçün Bakı-Qəbələ-Naftalan-Gəncə marşrutu üzrə infotur təşkil etmişdi.
«AtaTravel» agentliyi «AtaHolding» qrupuna məxsudur, 2011-ci ildə təsis edilib. --08C—
İqtisadiyyat
-
Azərbaycan Xəzər Dəniz Gəmiçiliyi QSC (ASCO) 28 noyabr tarixində inşa edilmiş yeni gəmi - "Bərgüşadçay"ın istismara verildiyini elan edib. ASCO-nun açıqlamasına əsasən, bu gəmi Xəzər Dənizi Neft Donanmasının balansına köməkçi gəmi kimi daxil edilib.
-
Azərbaycan 27 noyabr 2024-cü ildə verilmiş prezident fərmanına əsasən, azad edilmiş ərazilərdə kənd təsərrüfatı torpaqlarının icarəyə verilməsini sadələşdirmək, investisiyaları cəlb etmək və kənd təsərrüfatının məhsuldarlığını artırmaq məqsədilə yeni qaydalar tətbiq edib.
-
Asiya İnkişaf Bankı (AIB) Azərbaycan pərakəndə ticarət sektorunu dəstəkləmək üçün 10,5 milyon dollar ayırdı və bu, ölkənin iqtisadi modernləşməsinə davamlı dəstəyində növbəti addım oldu. Bu investisiyalar Azərbaycanın iqtisadiyyatını şaxələndirmək və dayanıqlı inkişafın əsas sütunlarından biri olan kiçik və orta sahibkarlığı (KOS) gücləndirmək istiqamətində daha geniş məqsədlərinə uyğun gəlir.
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
Rəy yaz