Bakutel 2013 başlayıb

Bu gün "Baku Expo Center"də 19-cu Azərbaycan Beynəlxalq Telekommunikasiya və İnformasiya Texnologiyaları Sərgisi (Bakutel-2013) işə başlayıb.

Turan-ın müxbiri hadisə yerindən məlumat verir ki, Azərbaycan prezidenti İlham Əliyev də "Baku Expo Center"ə gəlib və hazırda dövlət başçısı sərgidəki stendlərlə tanış olub. 

Sərginin meneceri («Iteca Caspian» təmsilçisi) Rəna Abutalıbova bildirib ki, sərginin sahəsi üç zal təşkil edir və 35% artaraq 12000 kv m sahə tutur. Burada 28 ölkədən 300 şirkət iştirak edir. Bu il 15 ölkə milli pavilyonu ilə sərgidə İKT sahəsində Azərbaycan və bütün Xəzər regionu üçün innovativ proqramların, məhsul və xidmətlərin təqdimatını keçirir (İsrail, İspaniya, Kanada, Fransa və s.). Debütantlar da var – ABŞ, İtaliya, Əfqanıstan. 

Bu, Azərbaycan üçün mühüm layihələrdə iştirak barədə hesabatıdrr - Optik lifli “Trans-Avrasiya Super İnformasiya Magistralı” (“TASIM”), ilk telekommunikasiya peykinin kosmik fəzaya buraxılması üzrə layihə və s. Ekspozisiyanın üçdə biri yerli daimi iştirakçılara aiddir. 

Tədbir 5 dekabra kimi davam edəcək. Orada genişzolaqlı internet və texnologiyalar, kabelllər və naqilsiz rabitə, peyk rabitəsi və texnologiyalar, tele-radioyayım avadanlığı, proqram təminatı və avtomatlaşdırma sistemləri, IT və ofis texnologiyaları nümayiş etdirilir. Kosmik sənaye və peyklərin yerdən idarə edilməsi, yerli kadrların hazırlanmasına da diqqət yetiriləcək. 

Bakutel-in işində ilk dəfə ASAN (Azerbaijan Service and Assessment Network) xidməti də iştirak edir. İlk dəfə gənc mütəxəssislərə öz kəşfləri barədə danışmaq imkanı yaradılıb. Bu il 11 nəfər öz layihəsini nümayiş etdirir. 

Rəna Abutalıbova bildirib ki, “Bakutel 2013” çərçivəsində kibertəhlükəsizlik mövzusunda konfrans və Dünya azərbaycanlılarının I virtual konfransı, habelə Rabitə və İnformasiya Texnologiyaları Nazirliyi, Azərbaycan Milli Elmlər Akademiyası və İnformasiya Texnologiyaları İnstitutunun təşkilati dəstəyi ilə “Azərbaycanda İnternet: dünən, bu gün və sabah” mövzusunda beynəlxalq elmi-praktiki konfrans, “TASİM” konsorsiumuna daxil olan əsas telekommunikasiya operatorlarının illik forumu, “İnternet regional inkişaf və təşviqatın lokomotivi kimi” mövzusunda İnternet idarəçiliyi üzrə Azərbaycan Respublikasının birinci beynəlxalq forumu, Azərbaycan Respublikasında dövlət və özəl İKT sektorları arasında əməkdaşlıq üzrə mütəxəssislər mərkəzinin yaradılması ilə əlaqədar tədbir, o cümlədən Asiya və Sakit okean regionu üzrə iqtisadi və sosial komissiyanın “Biliklərə əsaslanan iqtisadi inkişaf üzrə “SPECA” layihəsinin (BMT-nin Mərkəzi Asiya üzrə xüsusi iqtisadiyyat proqramı) işçi qrupu”nun iclası da keçiriləcək. --17D –