2015-ci ildə Azərbaycan Ekvadordan 19,6 min ton banan idxal edib. Əvvəlki illə müqayisədə banan idxalı 2,5 dəfə artıb. Amma bu, son illərin ən yüksək göstəricisi deyil.
Dövlət Gömrük Komitəsinin məlumatlarıına görə, 2009-cu ildən bəri ölkəyə ən çox banan gətirilən dövr 2011-ci ilə təsadüf edir. Həmin il Azərbaycana 23,1 min tonadək banan idxal olunmuşdu. Sonrakı illərdə bəyan olunan idxal ilbəil azalaraq, 2014-cü ildə 7 630,2 tona düşmüşdü.
Ötən il banan gömrükdə $0,93/kq qiymətində bəyan olunmuşdu. Bu, bir il əvvəlkindən 2 sent çoxdur. Son 6 ildə banan gömrükdən 1 dollardan baha keçməyib.
Qeyd edək ki, qonşu ölkələrin rəsmi dövlət qurumlarına banan daha yüksək qiymətlə bəyan olunub. Belə ki, 2-11-2012-ci illərdə Ermənistanda banan 1,4$/kq, Gürcüstanda – 1,2$/kq bəyan edilib. Əgər 2014-cü ildə Ermənistana 12 min ton banan bir kiloqramı $0,75 qiymətinə gətirilmişdisə, ötən il bu rəqəm $0,69-a düşmüşdü. Gürcüstanda isə 2015-ci ildə gömrük vergi ödənişləri məqsədilə banan 0,89$/kq-a bəyan edilmişdi.
Dövlət Statistika Komitəsinin məlumatına görə, 2013-2014-cü illərdə Azərbaycanda bananın 1 kiloqramı 2,4-2,45 manata satılıb. Ötən il orta qiymət 25 qəpik bahalaşıb.
Azərbaycana banan idxalı ilə əsasən bir şirkətin (“Asadov Kapital” MMC) məşğul olduğu bildirilir.
Əvvəlki illərdə banan həm də Filippin, Kolumbiya, Kosta-Rika və Pakistandan gətirilirdisə, indi yalnız Ekvadordan həyata keçirilir.
2009-2015-ci illərdə Azərbaycana banan idxalı: (DGK-nın məlumatları əsasında)
|
il |
ton |
Bəyan edilmə qiyməti, min ABŞ dolları |
|
2015 |
19596,4 |
18312,73 |
|
2014 |
7630,2 |
6946,6 |
|
2013 |
8954,4 |
8205,4 |
|
2012 |
15757,5 |
15867,3 |
|
2011 |
23089,9 |
23556,4 |
|
2010 |
19241,8 |
19999,9 |
|
2009 |
18371,2 |
9795,1 |
08B
İqtisadiyyat
-
Neft gəlirlərindən çox asılı olan Azərbaycan iqtisadiyyatı 2021-ci il üçün “Carbon Tracker” hesabatında “Neft dövlətlərindən kənarda: Enerji keçidi kontekstində neftdən asılılığın azaldılmasına təcili ehtiyac” adlı sərt xəbərdarlıqla üzləşir. Hesabatda Azərbaycan neftdən asılı olan ən həssas ölkələrə və onu növbəti onillikdə neft və qaz gəlirlərinin 40%-dən çox azalması gözlənilən ölkələr üçün nəzərdə tutulan “Qrup 5”ə daxil edilir. Bu qrupa Anqola, Bəhreyn, Timor-Leste, Ekvatorial Qvineya, Oman və Cənubi Sudan daxildir və bu, həmin dövlətlər üçün ortaq iqtisadi riskləri göstərir.
-
Azərbaycanın qeyri-neft və qaz ixracı 2024-cü ilin ilk on ayında illik müqayisədə 3,5% artaraq 2,8 milyard dollar təşkil edib. Bu barədə İqtisadi İslahatların Təhlili və Kommunikasiya Mərkəzinin (İİTKM) noyabr ayı üzrə “İxrac İcmalı”nda bildirilib.
-
"Azərbaycan Dəmir Yolları" QSC (ADY), Nazirlər Kabinetinin noyabr ayında iş və istirahət günlərinin dəyişdirilməsi ilə bağlı qərarına uyğun olaraq, COP29 tədbiri zamanı sərnişinlərin təhlükəsiz və rahat səfərlərini təmin etmək məqsədilə şəhərətrafı və ölkədaxili qatarların cədvəlində dəyişikliklər edəcək.
-
Azərbaycanda hökumət daxili bazar qiymətlərini sabit saxlamaq üçün idxal olunan mallara vergi güzəştlərindən daha çox istifadə edir. Bu ilin sonunda uzadılmış buğda idxalı üzrə 18%-lik ƏDV-dən azad edilmə qərarı bu yanaşmanın bir nümunəsidir. Eyni zamanda, yeni tədbirlər çərçivəsində elektrik avtomobilləri üçün enerji doldurma qurğularının idxalına vergi güzəştləri tətbiq olunub, yüksək qiymətli dərman preparatlarının idxalı üzrə vergi azadolmaları isə müzakirə mərhələsindədir. Diqqətəlayiq haldır ki, müdafiə təyinatlı məhsulların idxalı vergi və gömrük rüsumlarından tam azaddır.
Rəy yaz