![Bank of Baku-nun yeni inkişaf planı təsdiq edilib](https://turan.az/resized/./turan-750-500-resize.webp)
Bank of Baku-nun yeni inkişaf planı təsdiq edilib
“Bank of Baku"nun səhmdarları və Müşahidə Şurası bankın yeni strateji inkişaf proqramını təsdiq edib. Proqramın əsas cəhətlərindən birini filiallar şəbəkəsinin genişləndirilməsi təşkil edir. Bank tərəfindən daha 10 filial təsis ediləcək və beləliklə "Bank of Baku"-nun paytaxt və regionlardakı filiallarının sayı 50%-dən çox artmış olacaq. Həmçinin "Bank of Baku"-nun yeni baş ofisi üçün Bakıda sahəsi 10.000 kvadrat metr olan ərazidə binanın inşa edilməsi barədə qərar qəbul edilib. Eyni zamanda, müştəri xidmətlərində texnoloji yeniliklərin, yeni bank məhsul və xidmətlərinin tətbiqi, kadr potensialının təkmilləşdirilməsi, bankın mövqelərinin qorunub saxlanılmasına xüsusi diqqət yetiriləcək.
Strateji inkişaf proqramına rəhbərlik etmək və qoyulmuş məqsədlərin vaxtında icrasına nail olmaq məqsədilə "Bank of Baku"-nun Müşahidə Şurası baş direktor vəzifəsini təsis edib. Baş direktor birbaşa Müşahidə Şurasına tabe olacaq. Bu vəzifəyə daha öncə "Bank of Baku"-nun İdarə Heyətinin sədri vəzifəsini tutmuş Fərid Əlizadə təyin edilib. Bankın İdarə Heyətinin üzvü kimi Fərid Əlizadə həmçinin inzibati sahəyə aid bütün məsələləri kurasiya edəcək.
"Son illər təşkilatımız böyük uğurlar əldə edib və buna ən bariz nümunə yarım milyondan çox müştərimizin və yüzlərlə tərəfdaşımızın bizə sadiq qalmasıdır. O cümlədən, öz kateqoriyasında bizə ən yüksək reytinq vermiş Moody’s beynəlxalq reytinq agentliyini qeyd etmək olar. Bankın biznes və strukturunun yeni inkişaf strategiyası bizim uğurun davamıdır. Yeni vəzifə önündə qoyulmuş hədəflərə çatmaq, xüsusi səlahiyyət və tam konsentrasiya tələb edən ambisiyalı bir məqsəddir"-, deyə "Bank of Baku"-nun baş direktoru Fərid Əlizadə bildirib.
Uğurlu əməliyyat fəaliyyətinin təmini və onun davamlı inkişafı üçün son vaxtlara qədər bankın İdarə Heyəti sədrinin birinci müavini vəzifəsini tutmuş Fərid Hüseynov Müşahidə Şurasının qərarı ilə "Bank of Baku"-nun İdarə Heyətinin sədri təyin edilib.
"Möhtəşəm kollektivin istedadı və zəhməti sayəsində bu gün "Bank of Baku" maliyyə sektorunun liderlərindən biridir. Biz strateji əhəmiyyətli məqsədləri yerinə yetirərək, texnoloji innovasiyalardan faydalanaraq və kadr potensialımızı inkişaf etdirərək öz uğurlu inkişafımızı davam etdirəcəyik ",- deyə "Bank of Baku"-nun İdarə Heyətinin sədri Fərid Hüseynov bildirib.
"Bank of Baku" ASC 14 fevral 1994-cü ildə təsis edilib və Azərbaycanın ilk kommersiya banklarından biridir. Bank 19 filiala malikdir və onun xidmətlərindən 500.000 müştəri istifadə edir. Moody’s beynəlxalq reytinq agentliyi "Bank of Baku"-ya B2 səviyyəsində müsbət proqnoz reytinqi verib. Son 2 ildə bankın aktivləri 2 dəfə artaraq 500 milyon manatdan çox məbləğ təşkil edib. Bankın kapitalı 95 milyon manatı keçib.—15D---
-
- İqtisadiyyat
- 1 Fevral 2013 16:12
-
- Söz istəyirəm
- 1 Fevral 2013 17:08
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz