![Almaniya səfiri Eynulla Fətullayevə cavab verdi](https://turan.az/resized/media/2013/main/020100026882-750-500-resize.webp)
Almaniya səfiri Eynulla Fətullayevə cavab verdi
Almaniyanın Azərbaycandakı səfiri Herbert Kvelle Eynulla Fətullayevin yanvarın 29-da mətbuat konfransında səsləndirdiyi ittihamlara cavab olaraq yanvarın 31-də ona cavab məktubu göndərib.
Turan agentliyinə də göndərilmiş cavabda Eynulla Fətullayevin hələ də səfirin 16 yanvar tarixli Almaniyada keçirdiyi mətbuat konfransını müzakirə etmək dəvətini qəbul etməyib. Bunun əvəzində, yanvarın 29-da o, Bakıda Almaniya səfirliyi və XİN-in ünvanına ittihamla çıxış edib.
“Bu ittihamlar ictimai olduğu üçün və həqiqətə uyğun olmadığı üçün onları ictimai şəkildə təkzib etməkdən başqa seçim buraxmırsınız”, deyə məktubda bildirilir.
Xüsusən: Amensty İnternational Almaniya federal hökumətindən heç bir maliyyə yardımı almır; Almaniya XİN heç vaxt Amnesty İnternational, Black Sea Trust, Open Society təşkilatına və ya digər təşkilatlara Eynulla Fətullayevlə əməkdaşlığa son qoyması üçün təzyiq göstərməyib.
Almaniyanın Bakıdakı səfirliyi konfrans iştirakçılarına və mümkün sponsorlara da təzyiq göstərməyib, yalnız çıxış edənlərin siyahısını və tədbirin planını göndərməyi xahiş edib. “Etimad əsasında əvvəlki əməkdaşlığımızı nəzərə alaraq (məsələn, Almaniya XİN-in Sizin həbs yerlərində şəraitlə bağlı layihənizi maliyyələşdirməsi), bu xahişi təbii hesab edirəm”, deyə səfir yazır.
“Konfrans keçirməyiniz bizi narahat etmirdi, çünki almak KİV-ləri Azərbaycan hakimiyyətinə yaxın KİV-lərdən fərqli olaraq, hər gün Almaniyada mövcud problemləri tənqid edir. Lakin bizə çata məlumata görə, siz ölkənizdə geniş yayılmış metodlardan istifadə edərək problemləri kiçildir və ya əksinə, şişirdirsiniz. Bizi həmçinin konfransın “təsadüfən” AŞPA-da Azərbaycanla bağlı mühüm qətnamə üzrə səsvermə ilə eyni günə düşməsi də təəccübləndirib”, deyə səfir qeyd edir.
Sonda Herbert Kvelle bildirir ki, Almaniya federal hökuməti birmənalı olaraq söz azadlığını dəstəkləyir və Azərbaycan hakimiyyətinin tənqidinə baxmayaraq, Amnesty İnternational, Freedom House, Human Rights Watch kimi təşkilatların fəaliyyətini yüksək qiymətləndirir.
* Xatırladaq ki, “İnsan hüquqları naminə” QHT-nin rəhbəri Eynulla Fətullayev Almaniya XİN-i və Amnesty İnternational-ı onun yanvarın 19-da Brüsseldə təşkil etdiyi beynəlxaq konfransı pozmaq cəhdində ittiham edib. Konfransda onun QHT-sinin Almaniyada insan hüquqları sahəsində problemlərlə bağlı araşdırmasının yekunları təqdim edilib.
Monitorinq başa çatdıqdan sonra Almaniya hökuməti narahat olub və konfransda çıxış edəcək spikerlərə “təzyiq” göstərməyə başlayıb. Fətullayev həmçinin qeyd edib ki, Almaniyanın tənqidindən narahat olan rəsmi Berlin layihənin maliyyə mənbələrinin açıqlanmasını da tələb edib.
Fətullayev Amnesty İnternational-dan ikinci dəfə həbs olunarsa təşkilatın onu müdafiə etməyəcəyi barədə xəbərdarlıq aldığını bildirib. “Demokratiyanıza tüpürüm, mənim belə müdafiəyə ehtiyacım yoxdur”, deyə Fətullayev qeyd edib. Daha sonra Fətullayev bildirib ki, federal kansler Angela Merkel-dən izahat tələb etmək niyyətindədir.
Mətbuat konfransında iştirak edən Almaniya səfirliyinin nümayəndəsi Fredrik Hanke Almaniyanın ifadə azadlığına böyük əhəmiyət verdiyini bildirib. O qeyd edib ki, AFR hökuməti Fətullayevə problem yaratmayıb. -04D-
-
- İqtisadiyyat
- 1 Fevral 2013 16:13
-
- Cəmiyyət
- 1 Fevral 2013 17:17
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz