«Bank of Baku»dan SMS kredit
Bank xidmətini asanlaşdırmaq məqsədi ilə “Bank of Baku” Azərbaycanın bank təcrübəsində ilk dəfə SMS kredit məhsulunu təqdim edir. Bundan sonra müştəri banka gəlmədən kredit sifarişini birbaşa mobil telefondan verə biləcək. Sifariş edilmiş kredit məbləği müştərinin “Dostlar Klubu” kartına yüklənir.
Kredit sifariş etmək üçün “Dostlar Klubu” kartının son 8 rəqəmini, boşluq və kredit məbləğini 8145 nömrəsinə SMS ilə göndərmək lazımdır. Misal : “03129876 kredit 1500”.
Mesaj göndəriləndən sonra sifariş avtomatik qərar üsulu ilə qiymətləndirilir və müştərinin ala biləcəyi kredit məbləği müəyyən edilir. Müştəri kartdakı məbləği bir neçə dəqiqə sonra “Bank of Baku”nun istənilən bankomatından nağdlaşdıra bilər.
SMS sifariş yalnız müştərinin bankda qeydiyyatda olan mobil telefon nömrəsindən edilə bilər.
İlk mərhələdə SMS kredit xidmətindən bankın “Dostlar Klubu”-nun Qızıl və Brilliant kart sahibləri, daha sonra isə klubun bütün 70.000-nə yaxın üzvü istifadə edə biləcək.
“Bank of Baku” Azərbaycan Respublikasının Standartlaşdırma, Metrologiya və Patent üzrə Dövlət Komitəsindən Azərbaycan ərazisində SMS kredit xidməti üçün patent alıb. --15D--
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz