Bank Respublika plastik kartların onlayn sifarişi sahəsində ölkənin ən böyük onlayn xidmətlər portalı olan Hesab.az portalının müstəsna tərəfdaşına çevrilib.
Bankdan verilən məlumata görə, indi qeydiyyatdan keçmiş hərbir yeni istifadəçi portalı tərk etmədən, onlayn rejimində, Bank Respublika-nın filialları şəbəkəsində asanlıqla plastik kart sifariş edə bilər.
Bunun üçün Hesab.az-da qeydiyyatdan keçərkən sifarişçinin yalnız kiçik formanı doldurması və plastik karta malik olub-olmadığı barədə suala cavab verməsi tələb olunur. Kart sifariş etməyi arzu etdiyi təqdirdə istifadəçiyə Visa və ya MasterCard beynəlxalq ödəniş sistemlərinin istənilən debet kartını seçmək təklif olunur. Bank Respublika-nın plastik kartları tamamilə pulsuz təqdim olunur və PayKart bonus sisteminə qoşulub. PayKart sistemi həqiqi pul vəsaitləri şəklində olan bonus qazanmağa, habelə Bankın hazırda 36 brendin birləşdirən tərəfdaşlar şəbəkəsində alış-veriş etməyə imkan yaradır. Bank Respublika plastik kartlarının üstün cəhətlərindən biri kimi həm də internetdə onlayn ödənişləri icra etmək, xaricdə kartı asanlıqla istifadə etmək və "MobilBank","HomeBanking", "Card-to-Card", "Cash-by-code","SMS Notification", "PIN Change" və "3D Secure” kimi xidmətlərə qoşulmaq imkanını qeyd etmək olar.
Xatırladaq ki,"GoldenPay" ödəniş texnologiyası əsasında fəaliyyət göstərən Hesab.az portalı mobil və stasionar rabitə operatorlarının, əksər internet provayderlərinin, kabel televiziyalarının, kommunal müəssisələrin xidmətlərinin haqqını istənilən bankın plastik kartları vasitəsilə onlayn rejimdə ödəmək imkanı yaradır. Bundan əlavə, portal istifadəçiləri cari vaxt rejimində bank kreditlərini ödəyə bilər və onlayn sığortalama modulunun xidmətlərindən bəhrələnə bilər. Hesab.az-da öz “Şəxsi kabinetini” yaratdıqdan sonra onunqeydiyyatdan keçmiş 64 min nəfər istifadəçisinin hər biri öz ödənişlərinin tarixçəsini tərtib edir, mükafatlar qazanır və kampaniyalarda iştirak etməklədəyərli hədiyyələrdən birini qazanmaq fürsətini əldə edir. Portal vasitəsiləhəyata keçirilən bütün əməliyyatlar tamamilə etibarlı və təhlükəsizdir, çünkionlar "GeoTrustSSL" şifrləməsindən istifadə etməklə beynəlxalq ödəniş sistemləri vasitəsilə idarə olunur. --15D--
İqtisadiyyat
-
Azərbaycanın Milli Məclisi çərşənbə günü keçirilən plenar iclasında Azəri-Çıraq-Günəşli (AÇG) neft-qaz yataqlar blokunun birgə işlənməsi haqqında sazişə ikinci əlavə və dəyişiklikləri ratifikasiya etdi. Qanun layihəsi Prezident İlham Əliyevin qanunvericilik təşəbbüsü kimi parlamentə təqdim edilmişdi.
-
Müstəqil Dövlətlər Birliyi (MDB) İqtisadi Şurasının 104-cü iclası Rusiyanın paytaxtında keçirilib. Üzv ölkələrin nümayəndələri iqtisadi əməkdaşlığın genişləndirilməsi və regional təşəbbüsləri müzakirə ediblər. Azərbaycan iclasda Baş nazirin birinci müavini Yaqub Eyyubov tərəfindən təmsil olunub.
-
Azərbaycan İnformasiya və Kommunikasiya Texnologiyaları Agentliyi (İKTA) 2024-cü ilin ilk yarısında internet və telekommunikasiya xidmətlərinin keyfiyyətində əhəmiyyətli irəliləyişlər olduğunu, bunun geniş qiymətləndirmə çərçivəsi və təkmilləşdirilmiş tənzimləyici tədbirlərlə təmin edildiyini bildirdi.
-
2024-cü ildə Azərbaycan Bolqariyaya qaz təchizatını iki dəfə artıracaq. Bolqariya bu qazı yalnız öz ehtiyacları üçün istifadə etməklə qalmayacaq, həm də qismən Balkan Qaz Mərkəzinə göndərəcək və SOCAR ilə razılaşma əsasında qonşularına müxtəlif həcmlərdə tranziti təşkil edəcək.
Rəy yaz