Bank Technique-ın növbədənkənar iclası

Dekabrın 4-də “Bank Technique” ASC səhmdarlarının növbədənkənar ümumi yığıncağı keçiriləcək.
Gündəlik açıqlanmır. Amma aydındır ki, həbsdən qayıdan Müşahidə Şurasının sədri Etibar Əliyev kadr və maliyyə siyasətinə diqqət yetirəcək.

«Bank Technique» 1994-cü ildə yaradılıb, 2012-ci ilin I rübünə kimi (o vaxt təsisçi həbs edilib) çətinliyi olmayıb. Ona görə biznesi əlindən alınıb və 19 iyun 2013-cü ildə BFB-də 48 mln 565 min manat məbləğində əqd bağlanılıb.

QKDK-nın tələbinə zidd olaraq alıcı barədə informasiya veriməyib.  Turan-ın məlumatına görə, söhbət Adil Məmmədovun nəzarət etdiyi «World Wines» 75% səhmindən gedir. Hesabatda qeyd ediirdi ki, 23 aprel 2013-cü ildə «World Wines» ilə «Beaufort Investissements SA» arasında bankın səhmlərinin alınması barədə əqddən gedir. Həmin ilin 10 mayında Lüksemburq şirkəti 10 mln 355 min manatlıq ilk üzvlük haqqı ödəyib. 31 mart 2009-cu ildə Lüksemburqda qeydiyyatdan keçən «Beaufort Investissements SA»nın Azərbaycan kökləri var. Bu ölkənin reyestrində (http://opencorporates.com/companies/lu/B145413) Azərbaycandan bir neçə ad var.

Həmin ilin aprelində bankın digər səhmdarları 25% səhmdən 11,58% (7500 ədəd) səhmi satıb. 10% «Kazimir Caspian Fund Limited»ə, 15% Etibar Əliyevə məxsus olub. --17D—