![Bank Technique kimi təkzib edir?](https://turan.az/resized/media/2015/main/080400125054-750-500-resize.webp)
Bank Technique kimi təkzib edir?
«Bank Technique» ASC böhrandan çıxışı xərclərin optimallaşdırılmasında görür, nöqsanları isə etiraf etmir.
Bankın məlumatına görə, son vaxtlar kütləvi informasiya vasitələrində “Bank Technique”in fəaliyyəti barədə heç bir əsası olmayan fikirlər səsləndirilir. “Bank Technique” mövcud şəraiti nəzərə alaraq xərclərin optimallaşdırılmasını həyata keçirir. Son dövrlərdə notariat kontorları və Bakı Metropoliteni ilə əməkdaşlığın dayandırılması ilə əlaqədar bank özünün strukturlarında bir sıra ixtisarlar aparıb”, - deyə bankın məlumatında qeyd olunur.
“Bank Technique” bəyan edir ki, üzləşdiyi çətinliklərə rəğmən, öz fəaliyyətini davam etdirir və yaxın gələcəkdə müştərilərinə daha yüksək səviyyədə xidmət göstərmək əzmindədir.
Turan əvvəllər yazmışdı ki, iyulda Bank Technique ASC Fitch Ratings-lə əməkdaşlıqdan imtina edib. Səbəb isə budur ki, martın 10-da bu agentlik bankı Rating Watch «mənfi» siyahısına salıb. «Moody’s» reytinq agentliyi isə bu bankın milli valyuta ilə uzunmüddətli depozit reytinqini Caa1-dən Caa2-yə endirib. Emitentin defoltu reytinqi «B-» zəif kapitallaşma və aktivlərin keyfiyyətini əks etdirir. Agentlik bakın kredit qabiliyyəti reytinqini Caa2-dən Caa3-ə endirib. Moody's reytinqlərin aşağı salınmasını "Bankın kapitalının zəifləməsi" ilə əlaqələndirib.
Moody's hesab edir ki, Mərkəzi Bankın kapital tələblərinə cavab verməsi üçün “Bank Technique”nın ən azı 28 milyon manata ehtiyacı var. Bunun 5 mln-u birinci səviyyə kapitala gedəcək. --17D—
-
- İqtisadiyyat
- 4 Avqust 2015 13:26
-
- İqtisadiyyat
- 4 Avqust 2015 13:31
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz