![Müəmmalı investisiya müsabiqəsi](https://turan.az/resized/media/2015/main/080400125056-750-500-resize.webp)
Müəmmalı investisiya müsabiqəsi
Əmlak Məsələləri Dövlət Komitəsi (ƏMDK) Lənkəranın Veravul kəndindəki “Lənkəran Cay-3” ASC çay fabrikinin 99,94% səhminin satışı üzrə investisiya müsabiqəsini yekunlaşdırıb. Müsabiqənin qalibi adı açıqlanmayan fiziki şəxsdir.
ƏMDK iki iddiaçının iştirak etdiyi bu müsabiqənin nəticələri haqda məlumat yayıb.
Qeyd etmək lazımdır ki, ƏMDK-nin məlumatında müəssisədə investisiyalar üzrə müsabiqənin qalibinin öhdəliklərinin həcmi haqda bilgi yoxdur. Çay fabrikinin fəaliyyətini davam etdirəcəyi, yoxsa başqa sahəyə yönələcəyi də məlum deyil. Qurumun mətbuat katibi Turan-ın bununla bağlı suallarını cavablandırmayıb.
Beləliklə, naməlum investor 200 min manat dəyərində səhmi 70 min manata alıb.
Lənkərandakı 3 saylı çay fabriki 1982-ci ildə istismara verilib. Müəssisə fəaliyyət göstərmir və iki işçisi var. Fabrikin maliyyə öhdəlikləri 23,5 min manat təşkil edir.
Qeyd etmək lazımdır ki, qanunvericiliyə zidd olaraq ƏMDK həmin müəssisənin tutduğu torpaq sahəsi və onun quruluşu haqda məlumat vermir.
“Lənkəran Cay-3” ASC-də əmək kollektivinin üzvləri güzəştli alqı yolu ilə müəssisənin səhminin cəmi 65 ədədini və ya 0,04%-ni alıb.
-
- İqtisadiyyat
- 4 Avqust 2015 13:27
-
- İqtisadiyyat
- 4 Avqust 2015 13:36
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz