Bank VTB (Azərbaycan) on mininci müştərisini təbrik edib

Bank VTB (Azərbaycan) dekabrın 26-da kredit üzrə on mininci müştərisi olan Yaqubov Vüqar Əjdər oğluna qiymətli hədiyyələr verib: V.Yaqubova LG markalı televizor, "on minici müştəri" sertifikatı, 2 000 manat kredit limiti olan "Gold" səviyyəli kredit kartı təqdim olunub. 

Təltifetmə mərasimi V.Yaqubovun kredit götürdüyü Bank VTB-nin (Azərbaycan) "Əcəmi" filialında keçirilib. Filialın direktoru Anar Zeynalov və VTB (Azərbaycan) ASC-nin pərakəndə biznes İdarəsinin rəisi Tural Vəliyev on mininci borcalanı təbrik ediblər. 

VTB-nin (Azərbaycan) kredit üzrə on minici müştərisi olması barədə məlumatın onun üçün gözlənilməz olduğunu deyən Vüqar Yaqubov bankın xidmətlərinin səmərəliliyini çox qısa müddət ərzində hiss etdiyini vurğulayıb. “urada onu həm faiz dərəcələri, həm də yüksək səviyyəli xidmət və əməkdaşların xoş münasibəti qane edir”, deyə o bildirib. 

"İstehlak kreditlərinə və avtokreditlərə müştərilər tərəfindən böyük tələb var. Kreditləşmədə sərfəli şərtlər və Bankın "KİA", "Chevrolet", “Hunday” kimi avtosalonlarla fəal əmakdaşlığı müştərilərə geniş seçim imkanı yaradır. Beləliklə, son iki il ərzində 5 mindən artıq müştəri bizim bankın avtokredit xidmətindən istifadə edib", deyə Bank VTB (Azərbaycan) ASC-nin pərakəndə biznes İdarəsinin rəisi Tural Vəliyev bildirib. 

Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Rusiya tərəfndən – Bank VTB ASC və Azərbaycan tərəfindən – “AtaHoldinq” ASC-dirlər. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bank 4 filial və Baş ofisdə Müştəri Xidmətləri İdarəsilə təmsil olunur. 15D--