Bank VTB-nin istehlak kreditləri üzrə portfeli üç dəfə artıb

1 dekabr 2013-cü il üçün Bank VTB (Azərbaycan) ASC-nin istehlak kreditləri üzrə portfeli 86 425,7 min manata çatıb. Bu, ötən ilin müvafiq dövrü ilə müqayisədə üç dəfə çoxdur. 

Bankın ümumi kredit portfeli ötən ilin müvafiq dövrü ilə müqayisədə 150 % artaraq 167 346,2 min. manat təşkil edib. Bankın məcmu kapital isə 45 888,1 min manata çatıb. 

Xatırladaq ki, 2012-ci ilin dekabrın 1-ə olan maliyyə göstəricilərinə əsasən, məcmu kapital 15 153,5 min manat olub. 

Bundan başqa, bankın depozit portfeli ötən ilin müvafiq dövrü ilə müqayisədə beş dəfə artaraq 28 393,1 manata çatıb. VTB-nin (Azərbaycan) faiz gəlirləri 16 613 min. manata, qeyri-faiz gəlirləri isə 2 219 min manata artıb. 

Bank VTB (Azərbaycan) ASC-nin İdarə Heyətinin sədri Aleksandr Yeryomin: “Yaxın 3 ildə biz ölkə banklarının TOP-siyahısına daxil olmaq niyyətindəyik. Lakin bu daha tez bir zamanda baş verə bilər. Belə ki, VTB (Azərbaycan) beynəlxalq VTB Qrupunun bir hissəsidir və Azərbaycanda biznesin inkişafı sahəsində ciddi planları varr. Biz Bankın kredit portfelini əhəmiyyətli dərəcədə artırmağı nəzərdə tutmuşuq. Məsələn, pərakəndə kreditləşmə portfelinin həcmini 5 dəfə artırmaq niyyətindəyik. Müvafiq artım nəticəsində VTB (Azərbaycan) riteyl üzrə lider banklar siyahısına daxil olmalıdır. Bizim korporativ kreditləşmə sahəsində də böyük iddialarımız var”.

Bank VTB (Azərbaycan) ASC Bank VTB ASC-nin törəmə bankıdır. Bank VTB (Azərbaycan) ASC-nin səhmdarları Rusiya tərəfndən – Bank VTB ASC və Azərbaycan tərəfindən – “AtaHoldinq” ASC-dirlər. Bank VTB (Azərbaycan) ASC korporativ biznes, kiçik biznes və fərdi müştərilərə xidmətlər göstərir. Bank 4 filial və Baş ofisdə Müştəri Xidmətləri İdarəsilə təmsil olunur. 15D--