Banklar valyutanı məhdud həcmdə satırlar (YENİLƏNİB)
Bazar ertəsi Mərkəzi Bank dolların məzənnəsini elan etdikdən sonra bəzi banklar məhdud həcmdə dollar satışına başlayıblar.
Bankdan asılı olaraq bir ələ $1 mindən $5 minədək həcmdə dollar satışı ilə bağlı limit müəyyən edilib. Lakin valyuta tez qurtarır.
Ekspertlər baş verənləri valyuta qıtlığının artması ilə əlaqələndirirlər. AMB-nin məlumatına görə, iyulda valyuta ehtiyatları $18,7 mln. azalıb.
Fevral devalvasiyasndan sonra martdan iyula qədər AMB-nin valyuta ehtiyatları
$11 mlrd. 4,4 mln.-dan $8 mlrd. 501,5 mln.-dək azalıb.
Xatırladaq ki, 2014-cü il iyulun 31-i üçün AMB-nin valyuta ehtiyatları $15 mlrd. 193.4 mln. ekvivalentində olub. İllik zaman kəsiyində AMB-nin valyuta ehtiyatları $6 mlrd. 691,9 mln. tükənib.—0-
2015 Avqust 24 (Bazar ertəsi) 11:54:14
Ötən cümə günündən başlayan dollar qıtlığı davam edir. Halbuki, Azərbaycan Mərkəzi Bankı bildirib ki, kifayət qədər xarici valyuta ehtiyatı var və banklara verilən ciddi göstərişə əsasən dolların məzənnəsi süni olaraq qaldırılmamalıdır.
Banklarda dollar satışı aparılmır, yalnız manatla mübadilə üçün qəbul edilir. Dollar qıtlığının süni xarakter daşıması, bütün şayiələrin əsassız olması barədə Mərkəzi Bankın nikbin bəyanatlarına baxmayaraq, vəziyyət dəyişməyib. Bazar ertəsi səhərdən Bakının valyutadəyişmə məntqələrində dollar almaq mümkün deyil.
Xatırladaq ki, ötən həftə valyutadəyişmə məntəqələrində qəflətən 100 dollardan aşağı əskinaslar yoxa çıxmağa başladı, həftənin sonunda isə bu da olmadı.
Manatın növbəti devalvasiyası (təxminən 15%), bazar ertəsi dolların 1,20 manat olacağı bağlı şayiələr yayılmağa başladı.
İyulun ortalarında Azərbaycan Mərkəzi Bankının sədri Elman Rüstəmov AzTV-yə bildirib ki, əgər neft $50-dan aşağı olmasa və tərəfdaş ölkələrdə iqtisadi sabitlik olarsa manatı yeni devalvasiya təhlükəsi gözləmir.
Sonra o, tamaşaçıları sakitləşdirməyə çalışıb: “Əgər neft $50-dan aşağı olmasa və ticarət tərəfdaşlarımızın iqtisadiyyatında ciddi hadisələr baş verməsə ilin sonunadək manatın məzənnəsi ilə bağlı problem görmürəm”.
Avqustun 24-də Brent neftin qiyməti bir barelə görə $45-dən aşağı enib ki, buna da hökumət üçün ciddi xəbərdarlıq kimi baxmaq olar.
Avqustun 1-nə olan vəziyyətə görə, AMB-nin valyuta ehtiyatları $8,5 mlrd. (iyulun 1-i üçün - $18,7 mln.) təşkil edib.
Standard & Poor’s reytinq agentliyi Azərbaycanın ödəniş balansının cari hesabından profisit keçidini ÜDM-in 2,2% səviyyəsində proqnozlaşdırır ki, bu da 2014-cü illə müqayisədə beş dəfə azdır, lakin hədsiz dərəcədə deyil. Xarici ticarətdə profisit müsbət olaraq qalır – iyulda $633,988 mln. təşkil edib ki, bu da müəyyən nikbinlik yaradır.
Fevralda neftin qiymətinin ikiqat enməsi səbəbindən Azərbaycan manatın devalvasiyası ilə üzləşib ki, nəticədə manat dollara nisbətən 34% ucuzlaşıb. —0—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz