Birləşmiş Ərəb Əmirliklərinin “Etihad Airways” milli aviaşirkəti həftədə 4 dəfə həyata keçiriləcək Əbu-Dabi – Bakı aviareysi üzrə uçuşlara başlayır. Bu marşrut üzrə uçuşlara 2015-ci ilin oktyabrın 1-dən etibarən başlanacaq və “Airbus A320” avialayneri ilə yerinə yetiriləcək.
Aviaşirkət həftədə 1000-dən çox sərnişinə xidmət etmək istəyir.
«Etihad Airways” aviaşirkətinin Heydər Əliyev Beynəlxalq Aeroportuna uçuşlara başlaması – aktiv inkişaf edən Qafqaz regionunda əlaqələrin qurulması üzrə strategiyamızın əsas hissəsidir”, - deyə “Etihad Airways”ın prezidenti və icraçı direktoru Ceyms Hoqan bildirib.
2015-ci ilin oktyabrın 1-dən başlanan uçuşların cədvəli:
Aviareysin nömrəsi | Uçuş nöqtəsi | Uçuş vaxtı | İstiqamət | Enmə | Uçuş günləri | Təyyarə |
EY289 | Əbu-Dabi (AUH) | 11:10 | Bakı (GYD) | 15:15 | b.e; ç.a; c.a; ş | A320 |
EY288 | Bakı (GYD) | 18:00 | Əbu-Dabi (AUH) | 20:00 | b.e; ç.a; c.a; ş | A320 |
* uçuşlar yerli vaxtla göstərilib
Hoqanın fikrincə, yeni uçuşlar Azərbaycan və BƏƏ arasında biznes və turizm əlaqələrində artan tələbata tam cavab verəcək. Bu, həmçinin, bir çox ölkələrdə, əsasən də Şimali Amerikada yaşayan Azərbaycan diasporası ilə Azərbaycan arasında əlaqəni daha da asanlaşdıracaq. BƏƏ mənbələrinə görə, bu ölkədə 12 min azərbaycanlı yaşayır.
Məlumatda deyilir ki, 2012-ci ildə Azərbaycan və BƏƏ arasında ticarət dövriyyəsinin həcmi 400 mln. ABŞ dollarından çox olub. Gömrük Komitəsinin məlumatına görə, 2012-ci ildə bu göstərici $115 mln təşkil edib.
2009-cu ildən Bakıdan Dubaya reysləri FlyDubai şirkəti həyata keçirir. İki tərəfə biletin qiyməti 340 manatdır. “Azerbaijan Airlines” bu istiqamətdə hər gün uçur. Biletin qiyməti 570 manatdır.
“Etihad Airways” 2003-cü ildən etibarən fəaliyyət göstərir və artıq 2013-cü ildə şirkətin sərnişin dövriyyəsi 11,5 mln. təşkil edib. 08D
İqtisadiyyat
-
Azərbaycan Prezidenti İlham Əliyev bazar ertəsi günü sosial rifahın yaxşılaşdırılmasına yönəlmiş sərəncam imzalayıb. Sərəncama əsasən, ölkədə minimum aylıq əməkhaqqı 1 yanvar 2025-ci ildən etibarən 400 manat (235 ABŞ dolları) müəyyən edilib.
-
Türkiyə şirkətləri YDA və ASFAT Qazaxıstanın Kurık limanı yaxınlığında gəmiqayırma zavodu tikməyi planlaşdırır. Bu təşəbbüs Qazaxıstanın daxili donanma çatışmazlığını həll etmək məqsədini daşıyır. Qazaxıstanın Nəqliyyat Naziri Marat Karabayev bu barədə bazar ertəsi parlament sessiyasında məlumat verib. Layihə, Qazaxıstanın dəniz imkanlarını və logistika infrastrukturunu gücləndirmək ambisiyalarını vurğulayır.
-
Qazaxıstanın Nəqliyyat Naziri Marat Karabayev ölkənin Avrasiyada aparıcı nəqliyyat və logistika mərkəzinə çevrilməsi üçün cəsarətli yol xəritəsini təqdim etdi. Bazar ertəsi parlamentdə çıxış edən Karabayev, Şərq-Qərb və Şimal-Cənub dəhlizləri arasında illik 1 trilyon dollarlıq yük axınından pay almaq strategiyalarını ətraflı izah etdi.
-
ASCO-ya məxsus təmir olunmuş “Şahdağ” bərəsi Azərbaycan-Kazaxıstan marşrutu üzrə fəaliyyətini bərpa edərək Xəzər dənizinin hər iki tərəfindəki limanlarda yük maşınlarının sıxlığını azaltmağı hədəfləyir.
Rəy yaz