“Təmiz Şəhər” ASC-nin Bərk məişət tullantılarının yandırılması zavodu 2016-cı ildə istehsal gücünün 75%-i qədər işləyib. Bunun səbəbi açıqlanmır.
Zavodda 467 139 ton məişət tullantılarının yandırılması nəticəsində 174 mln 490 min kV/saat elektrik enerjisi istehsal edilib. İstifadə edilən tullantıların həcmi 7,7%, istehsal edilən elektrik enerjisinin həcmi 4,1% azalıb.
Dövlət elektrik şəbəkəsinə 145,7 mln kV/saat elektrik enerjisi verilib. Bu, 2015-ci ildəkindən 5,1% azdır. Zavodun daxili ehtiyacı üçün 2015-ci ildəki qədər - 28,8 mln kV/saat elektrik enerjisindən istifadə edilib.
Mərkəzi elektrik şəbəkəsinə yüksək gərginlikli xətlərlə elektrik enerjisinin ötürülməsi üçün "Azərenerji" ASC-yə ödənilmiş tranzit haqqı (ƏDV-siz) 246 min 962 manat olub. Əməliyyat xidmətlərinə görə operatora ödənilmiş xidmət haqqı 63,5 min manat təşkil edib. Satılmış elektrik enerjisinə görə “Azərişıq” ASC “Təmiz Şəhər” ASC-yə 5 384 076,29 manat (ƏDV-siz) ödəyib.
Fransada alınan zavod 2009-2012-ci illərdə tikilib və 2012-ci ilin dekabrında istismara verilib. O, 365 mln avroya başa gəlib. Vəsaitin bir hissəsi İslam İnkişaf Bankından alınıb.
Zavodun layihə gücü 500 min ton məişət tullantısı və 231,5 mln kV/saat elektrik enerjisidir. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz