Beynəlxalq ekspertlər Azərbaycanda bank aktivlərinin pisləşəcəyini gözləyir

“Standard & Poor`s” kredit reytinqləri xidməti Azərbaycanın 3 bankının reytinqlərini təsdiq edib.

Paşayevlər ailəsinin nəzarətində olan «Kapital Bank» ASC və «PASHA Bank»ın reytinqi reytinqini "sabit"dən "neqativ"ə endirib. S&P “Muğanbank” ASC-nin uzunmüdətli və qısamüddətli kredit reytinqini “B-/C” səviyyəsində müəyyən edib.

Reytinq fəaliyyəti Azərbaycanın kredit reytinqlərinin “BBB-/A-3” səviyyəsindən “BB+/B” səviyyəsinə qədər azalmasından sonra başlayıb.

Azərbaycan bankları üçün iqtisadi risklər 2016-cı ildə ÜDM-nin azalacağının gözlənilməsi, 2015-ci ildə manatın kəskin azalması və iqtisadiyyatda kredit riskinin güclənməsi ilə əlaqədar artıb ki, bu da əhəmiyyətli dərəcədə neftin qiymətlərinin azalması ilə şərtlənib.

Agentliyin analitikləri Azərbaycanın bank sektorunu “9” qrupuna ( əvvəllər “8” qrupunda idi) aid edib.

Əvvəllər hökumət özəl bank sektorunu qoruya bilirdisə, indi özü çətin vəziyyətdədir. 2016-cı ildə bank aktivlərinin keyfiyyətinin pisləşməsi artacaq,  problemli və təkrar strukturlaşdırılmış kreditlərin payı bankların məcmu kapitalının 23-25%-i qədər arta bilər (2015-ci ilin sonunda bankların hesabatlarına əsasən onların problemli kreditlərinin payı 7%-dən çox olmayıb),- deyə məlumatda qeyd edilir.

«Nəticə olaraq manata etimadın azalması bankların balansında valyuta disbalansına gətirib çıxardı. 2015-ci ildə müştərilərin 80%-i öz depozitlərini milli valyutadan xarici valyutaya konvertasiya ediblər. Hesab edirik ki, bu tendensiya yaxın illərdə davam edərək bankların maliyyə göstəricilərinə, bank sektorunda likvidliyin idarə edilməsinə əlavə təzyiq göstərəcək”,- deyə məlumatda qeyd edilir.--17D—