Bakı Fond Birjası QSC kapital bazarları alətləri vasitəsilə daxili maliyyə aktivlərinin diversifikasiyası qərarına gəlib. Belə ki, BFB ilk dəfə olaraq likvidliyi market meyker tərəfindən təmin edilmiş yerli korporativ istiqrazlara sərmayə yatırıb.
Bu məqsədlə müvafiq peşəkar xidmətlərin alınması üzrə “Paşa Kapital” MMC və “İnvest-AZ” MMC ilə broker müqavilələri bağlanılıb. Məlumat üçün bildiririk ki, yerli istiqraz bazarında bank depozitlərinə nəzərən effektiv gəlirlilik və müddət daxil olmaqla ümumilikdə daha əlverişli şərtlər artıq formalaşıb. Eyni zamanda, BFB-də ticarət olunan əksər korporativ istiqrazların artıq bazar qiymətinin formalaşması, o cümlədən bazarda market meyker institutlarının mövcudluğu yatırılan vəsaitlərin likvidliyinə təminat verir.
Məlumdur ki, İnvest-AZ şirkəti mayda «Cənub qaz dəhlizi» QSC-nin $917,3 mln-lıq istiqrazlarını yerləşdirmək hüququ əldə edib. Buna qədər İnvest-AZ birjada aktivliyi ilə seçilməyib və brokerlərin renkinqinə daxil edilməyib. PSG-Broker MMC 2012-ci ilin iyulunda 1 250 manat nizamnamə kapitalı ilə qeydiyyatya alınıb. İyulun əvvəlində BFB Müşahidə Şurası PSG-Broker MMC-ni üzvlüyə qəbul edib. O, BFB-nin 18-ci üzvü olub.
PASHA Capital brokerlər arasında liderdir. 2014-cü ilin avqustunda xidmət həcminə görə (repo əməliyyatlar istisna), brokerlərin renkinqinə başçılıq edib.
Avqustda PASHA Capital 95 mln 602,16 min manatlıq broker xidməti göstərib.—0—
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz