Dərbənd meri Q.Qurbanov həbs edilib

Dərbənd meri Qurban Qurbanov vəzifə səlahiyyətlərini aşmaq ittihamı ilə həbs edilib.

“Hazırda şübhəli şəxsin təqsirinin sübutlarının möhkəmləndirilməsi üzrə istintaq tədbirləri kompleksi həyata keçirilir. Qətimkan tədbirinin seçilməsi məsələsi həll edilir”, deyə Rusiya İstintaq Komitəsinin Dağıstan üzrə nümayəndəsi Rəsul Temirbekov bildirib.

Q.Qurbanov barəsində 16 sentyabr 2014-cü ildə 286-cı maddənin 2-ci hissəsi üzrə cinayət işi açılıb. O, vəzifə səlahiyyətlərini aşmaqda şübhəli bilinir, xəbəri “İnterfaks” yayıb.

İstintaqın versiyasına görə, 2009-cu ildən 2013-cü ilə qədər Q.Qurbanov Dərbənd rayonunun Dağıstan hökumətinin mülkiyyətində olan 56 hektar torpaq sahəsini “başqa şəxslərə” verərək, Rusiya və Dağıstanın torpaq qanunvericiliyini pozub.

Qurbanovun (etnik azərbaycanlı) problemləri Ramazan Abdulatipovun Dağıstan rəhbəri olmasından sonra başlayıb. O, yerli administrasiyaların rəhbərlərinə qarşı mübarizəyə başlayıb. -06D-