Həbsdə olan hüquq müdafiəçisi İntiqam Əliyevin müdafiə imkanları məhdudlaşdırılır. Bu barədə facebook-da “İntiqam Əliyev – vicdan məhbusu” adlı xüsusi səhifədə deyilir.
Belə ki, ötən həftə onun üç vəkili şahid qismində cinayət işinə cəlb edilmək bəhanəsilə müdafiədən kənarlaşdırılıb.
Qalan vəkillə müdafiə taktikası qurulmasına maneələr yaradılır.
Belə ki, Əliyevin vəkilə hazırlamaq üçün yazdığı şikayətlər,qeydlər və əlyazmalar əlindən alınır,senzuradan keçirilir və çox vaxt ona qaytarılmır.
Penitensiar Xidmətdən şərh almaq mümkün olmayıb.
* İntiqam Əliyev avqustun 8-də qanunsuz sahibkarlıq, vergidən yayınma, vəzifə səlahiyyətlərindən sui-istifadədə ittiham olunaraq həbs edilib.
Amnesty İnternational onu “vicdan məhbusu” elan edib. -16D6-
Cəmiyyət
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
-
Oktyabrın 27-də Bakıda və Abşeron yarımadasında bəzi yerlərdə arabir yağış yağacağı gözlənilir. Gecə yarımadanın bəzi yerlərində leysan xarakterli olacağı, şimşək çaxacağı ehtimalı var. Səhər tədricən kəsiləcək, gündüz hava dəyişkən buludlu, əsasən yağıntısız keçəcək. Arabir güclənən şimal-qərb küləyi gündüz mülayimləşəcək.
-
Oktyabrın 25-də paytaxtın Nizami rayonundakı “Astoria” mehmanxana kompleksində yanğın baş verib.
Rəy yaz