Cümə günü Xətai rayon məhkəməsində Bəxtiyar Məmmədovun sədrliyi ilə hüquq müdafiəçisi Oqtay Gülalıyevin oğlu, 17 yaşlı Əli Gülalıyevin işi üzrə məhkəmə istintaqı başlayıb. O, xuliqanlıqda ittiham olunur. Xüsusən, 20 sentyabrı 2013-cü il tarixində NZS qəsəbəsində təhsil aldığı 165 nömrəli məktəbdə davada iştirak etməkdə təqsirləndirilir. Bu iş üzrə zərərçəkmiş kimi həmin məktəbin şagirdi Bayram Sultanlı keçir.
Bugünki iclasda zərərçəkmiş və onun qanuni nümayəndəsi iştirak etməyib.
Şahidlərdən yalnız biri, 165 nömrəli məktəbin keçmiş şagirdi Elnur Babayev məhkəməyə gəlib. İclas zamanı o, ibtidai istintaqa verdiyi ifadələrdən imtina edib. Xüsusən, Babayev heç bir dava görmədiyini bildirib.
İfadəni isə direktorun otağında polis əməkdaşının diqtəsi ilə verib.
Maraqlıdır ki, yetkinlik yaşına çatmamış Babayev bu ifadələri valideynlərinin iştirakı olmadan verib.
Digər şahidlər iclasa gəlməyiblər və hakim onların oktyabrın 15-də keçiriləcək növbəti iclasa məcburi gətirilməsi haqqında qərar qəbul edib.
Məhkəmədə Ə.Gülalıyevə ictimai dəstək qrupunun üzvləri – Milli Şuranın və “Siyasi məhbuslarsız Azərbaycan” ictimai alyansının nümayəndələri iştirak ediblər. -06B-
Cəmiyyət
-
Oktyabrln 28-də səhər güclü yağıntı nəticəsində Bağırov köprüsünü su basıb. Nəticədə Heydər Əliyev prospektində nəqliyyatın hərəkətində tıxac yaranıb, avtomobil sürücüləri bildiriblər.
-
Səhər saat 11:00-da paytaxtda güclü leysan yağmağa başlayıb və günün ikinci yarısına qədər davam edəcək, sinoptiklər bildiriblər.
-
Müsəlman Birliyi Hərəkatının üzvü, 7 il həbsdə saxlandıqdan sonra 20 gün əvvəl azadlığa buraxılan Əhsən Nuruzadə yenidən saxlanılıb. Bu barədə Turana Müsəlman Birliyi Hərəkatından verilən məlumatda bildirilir ki, dini inanclı fəal oktyabrın 26-da qızının gözü qarşısında saxlanılaraq aparılıb. Onun hansı səbəbdən saxlanması, hara aparılması haqda yaxınlarına heç bir məlumat verilməyib.
-
Həbsxanada 136 gündür aclıq edən İstanbul Universitetinin doktorantı Fazil Qasımovun səhhəti ağır olaraq qalır.
Rəy yaz