Bizdə də startap-milyonerlər olacaqmı?
Azərbaycanda İnternetdə biznes sahəsi inkişaf etməyib və şəbəkədən sahibkarlıq fəaliyyəti üçün az istifadə olunur. Bununla əlaqədar Azərbaycan İnternet Forumu “Startap Azərbaycan” layihəsini həyata keçirir.
Layihədə məqsəd İnternetdə sahibkarlığa yardım göstərilməsi, investorlardan vəsaitlərin cəlb olunması, bu sahədə bizneslə məşğul olan şirkətlərin imkanlarının genişləndirilməsidir. Bu barədə AİF və “Multimedia” Mərkəzinin rəhbəri Osman Gündüzov bugünkü mətbuat konfransında bildirib.
“Xaricdə, hətta qonşu Rusiyada İnternet dinamik inkişaf edən biznes sahəsinə çevrilib. Artıq milyonerlər və milyarderlər var. Bizdə də bu sahədən praktik olaraq istifadə edilmir”, - o vurğulayıb.
Fevralda start götürmüş layihə çərçivəsində İnternetdə sahibkarlıqla məşğul olan şirkətlər üçün treninqlər keçirilir, investorlarla görüşlər keçirilir, onlara İnternetdə layihələrin reallaşması imkanları barədə məlumat verilir.
Yaxın vaxtlarda həmçinin dövlət orqanları, investorlar və startapların iştirakı ilə üçtərəfli görüşün keçirilməsi nəzərdə tutulur. Layihənin yekunlarına əsasən iyunun sonlarında startapların Milli Forumunun keçirilməsi planlaşdırılır.
Bundan əlavə, müsabiqə zamanı startapların 5-6 ən yaxşı biznes layihəsi seçiləcək ki, onlar da investorlar tərəfindən maliyyələşdiriləcək.
Hazırda İnternet infrastrukturu, xüsusən də kənd yerlərində inkişaf etməyib.
Yaxın üç ildə dövlət İnternetə 500 mln. dollara yaxın sərmayə qoyacaq ki, bu da startaplar üçün imkanlar yaradacaq.
“Startap Azərbaycan” layihəsi Rabitə Nazirliyi yanında İKT-nin İnkişaf Fondu, “Baksell”, “Maykrosoft və “İnfi-pro” şirkətləri tərəfindən dəstəklənir.
O.Gündüz “startap” biznesinin uğurlu inkişafına nümunə kimi kommunal xərclərin ödənilməsi üzrə online xidmət göstərən hesab.az şirkətini qeyd edib.
İnternetin inkişafı ilə bağlı dövlətin tədbirlərini müsbət qiymətləndirən ekspert İnternetdə böhtan və təhqirə görə cinayət cəzasını nəzərdə tutan düzəlişlərin prezident tərəfindən təsdiqlənməsini tənqid edib. Onun fikrincə, bu düzəlişlər məmurlar tərəfindən sui-istifadəyə və ifadə azadlığının məhdudlaşdırılmasına yol açır.–06C-
-
- Cəmiyyət
- 5 İyun 2013 15:00
-
- İqtisadiyyat
- 5 İyun 2013 15:28
İqtisadiyyat
-
Azərbaycan Respublikası Dövlət Neft Şirkəti (SOCAR) və qlobal dəniz mühəndisliyi və tikinti sahəsində lider olan Subsea7, Xəzər dənizinin Azərbaycan sektorunda yeni layihələr üzrə əməkdaşlığı genişləndirmək istiqamətində müzakirələr aparırlar. SOCAR prezidenti Rövşən Nəcəf və Subsea7 baş direktoru Con Evans arasında keçirilən görüşdə tərəflər Subsea7-nin texnoloji yeniliklərinin qarşıdakı layihələrdə tətbiq edilməsi potensialını müzakirə etdilər. Həmçinin, hər iki şirkət üçün maraqlı olan digər mövzular da nəzərdən keçirildi.
-
Dövlət Gömrük Komitəsi və Dövlət Statistika Komitəsinin məlumatlarına görə, 2024-cü ilin ilk doqquz ayında Azərbaycanda ət idxalında əhəmiyyətli artım müşahidə olunub, daxili istehsalın daha mülayim artımı fonunda.
-
Çərşənbə günü Bakı şəhərində "Gələcəyin Dayanıqlı Nəqliyyatı" adlı tədbir keçirilir. Tədbir, ətraf mühitə mənfi təsiri minimuma endirən dayanıqlı nəqliyyat konseptlərini təşviq etmək məqsədi ilə "Azərbaycan Dəmir Yolları" QSC-nin dəstəyi ilə təşkil olunub. Tədbirdə, istixana qazlarının emissiyalarının azaldılmasına töhfə verən piyada gəzintisi, velosiped sürmə, yaşıl ictimai nəqliyyat sistemləri və ekoloji cəhətdən təmiz nəqliyyat vasitələri kimi ətraf mühitə dost nəqliyyat variantları vurğulanıb.
-
2024-cü il oktyabrın 23-də Çinin Qingdao şəhərində “Bir kəmər, bir yol” (OBOR) təşəbbüsü çərçivəsində 3-cü Energetika Nazirlərinin Konfransı açılıb. Dünyanın müxtəlif ölkələrindən energetika nazirləri qlobal enerji təhlükəsizliyi, təmiz enerjiyə keçid və sektorda yeniliklərlə bağlı vacib məsələləri müzakirə etmək üçün toplaşıblar.
Qarabağın bərpası üçün ayrılan vəsaitlərin xərclənməsində şəffaflıq varmı? – Akif Nəsirli Çətin sualda
Xəbər lenti
-
- Cəmiyyət,
- 14:05
- 196
Rəy yaz