Bizə peşə məsuliyyəti lazımdırmı?

Azərbaycanda qeyri-peşəkar mütəxəssislərdən gündə minlərlə insan ziyan çəkir. Amma peşə məsuliyyəti sığortası başqa könüllü növlərə formal əlavədir. 

Dövlət Sığorta Nəzarəti Xidmətinin məlumatına görə, bu ilin yanvarında bu növ üzrə 16,79 min manat ($21,5 min) yığılıb. Ötən ilki göstəricidən (235,11 min manat) 14 dəfə az yığılması o demək deyil ki, bu növə tələb olub. Ötən il “peşə” mükafatı (589,27 min manat) 2012-ci ildədkindən (283,49 min manat) 2 dəfə çox olub.

Bu növə tələb olmadığını o da göstərir ki, indiyəcən bu növ üzrə bir qəpik də ödəniş edilməyib. Ekspertlərin fikrincə, bu növ üzrə polisi kənar fiziki şəxslər yox, korporativ maraqlı müştərilər alır. Onlar üçün maraqlıdır ki, bu qrafa boş qalmasın. 

Xatırladaq ki, bu növ qiymətləndirici, həkim, notarius, vəkil, arxitektorlar və s.  vurduğu ziyandan üçüncü şəxslərin marağını müdafiə edir. Peşə məsuliyyəti sığortası könüllü və icbari olur. 

Oxşar mənzərə mülki məsuliyyət üzrə başqa könüllü növlərdə də var. Daha çox mükafat hava nəqliyyatı sahiblərinin sığortası üzrədir -  AzAL öz sığorta şirkəti «İpək yolu Sığorta»ya 1,79 mln manat ödəyib. Mülki məsuliyyət üzrə başqa növlərdə olduğu kimi kompensasiya edilməyib. --17D—