![Bolqarıstan qısa müddətdə Azərbaycandan qaz nəqlini təmin edəcək](https://turan.az/resized/media/2014/main/041600075699-750-500-resize.webp)
Bolqarıstan qısa müddətdə Azərbaycandan qaz nəqlini təmin edəcək
IGB (Yunanıstan-Bolqarıstan interkonnektoru) qaz kəmərinin inşasına 2015-ci ildə başlanacaq. Bu barədə Bolqarıstanın energetika anziri Draqomir Stoynev azərbaycanlı həmkarı Natiq Əliyevlə görüşündə bildirib.
İTAR-TASS-ın məlumatına görə, Stoynev qeyd edib ki, Bolqarıstan qısa zamanda Azərbaycandan qaz nəqlini təmin etməlidir.
“Azərbaycandan milyard kubmetr həcmdə qaz nəqlinə dair müqaviləni 2013-cü ilin sentyabrında imzalamışıq. Qaz Yunanıstanla interkonnektor vasitəsilə daxil olacaq, qaz kəmərinin texniki layihəsi ilə bu il hazırlanmalıdır.
Aprelin sonunadək layihənin maliyyələşdirilməsi ilə bağlı məsələnin həllinə başlayacağıq. Bir neçə bank layihədə iştirakla bağlı istəyini öncədən bildirib. Gələn il interkonnektorun inşasına başlanacaq”, -Stoynev vurğulayıb.
Görüş zamanı N.Əliyev deyib ki, Bolqarıstanla Azərbaycan arasında ikitərəfli münasibətlər strateji tərəfdaşlıq səviyyəsinə keçir.
“Bolqarıstana qaz nəqli məsələsinin real həllini ötən il tapdıq. “Bulqarqaz” ilə “Şahdəniz” konsorsiumu, Azərbaycan Dövlət Neft Şirkəti arasında bir milyard kubmetr qazın nəqlinə dair müqavilə imzalandı”, - nazir qeyd edib.
2013-cü ilin sentyabrında “Şahdəniz” yatağının işlənməsi üzrə konsorsium qaz nəqli ilə bağlı Avropanın 9 şirkəti ilə müqavilə (25 il müddətinə) imzalayıb. Onların arasında “Bulqarqaz” şirkəti də var.
2014-cü ilin yanvarında TAP layihəsi üzrə konsorsium və Yunanıstan-Bolqarıstan boru kəmərinin (İGB) işlənməsi, maliyyələşdirilməsi və tikintisi ilə məşğul olan ICGB regionda strateji infrastrukturun inkişafı üçün texniki əməkdaşlıq üzrə qarşılıqlı anlaşma haqqında memorandum imzalayıb. –12D--
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz