Böyük özəlləşmə dayanıb

Azərbaycanda iri dövlət müəssisələrinn investisiya müsabiəqsi yolu ilə özəlləşdirilməsi faktiki olaraq dayandırılıb. 2013-cü ildə cəmi 3 müəssisə satılıb. 

Əmlak Məsələləri Komitəsinin hesabatına görə, 2013-cü ildə özəlləşdirilən müəssisələrin modernləşməsi və yenidən qurulmasına 57 mln manat investisiya qoyulub. Bu, 2012-ci ildəkindən 100 mln manat azdır. 2011-ci ildə özəlləşdirilən müəssisələrə 125,7 mln manat vəsait qoyulub. 

Azərbaycanda investisiya müsabiqələri 1998-ci ildən keçirilir. İndiyədək bu metodla 90 SC və obyekt satılıb. Bu il yanvarın 1-i üçün 93 müəssisə və obyektə 882 mln manat vəsait qoyulub. 

Ölkədə uğurlu investisiya müsabiqələri azdır. Onlardan daha səciyyəvisi “Holcim Group” tərəfindən özəlləşdirilən Qaradağ Sement Zavodudur. 

ƏMDK-yə görə, özəllləşdirmədən dövlət büdcəsinə 54 mln manat daxil olub. 2012-2013-cü illərdə bu metod xəzinəyə 3 mln manat gətirib. 1999-cu ildən 1 yanvar 2012-ci ilə kimi bu müəssisələri alan şirkət və fiziki şəxslər 51 465 000 manat birdfəlik ödəniş edib. 

ƏMDK-nin sərəncamında iyirmiyə yaxın SC var ki, 8-9 ildə dəfələrlə satışa çıxarılıb. Onların çoxu fəaliyyətsizdir, böyük borcu və yararsız aktivləri var. Bir qayda olaraq, iddiaçılardan satış zamanı xeyli bonus tələb edilir. 08D