BP-Azerbaijan Xəzərin dayazsulu hissəsində 3D tətbiq edəcək

"BP-Azerbaijan" şirkəti 2016-cı ilin noyabrında Abşeronun dayazsulu hissəsində yerləşən potensial perspektiv strukturlarında 3 ölçülü seysmik tədqiqatları başa çatdıracaq. Bunu "BP-Azerbaijan" şirkətinin geoloji kəşfiyyat şöbəsinin nümayəndəsi Arzu Cavadova Bakıda keçirilən "Ətraf Mühitə və Sosial Sahəyə Təsirin Qiymətləndirilməsi" üzrə hesabatla bağlı ictimai dinləmələrdə deyib.

«Seysmik işlərə martın 1-də başlaması, noyabrın 24-də bitməsi planlaşdırılır. Müqaviləyə görə, ümumi tədqiqat sahəsi 1,9 min kvadrat km-dir. 3D tədqiqatları beş zonaya bölünən 1,52 min kvadrat km sahədə aparılır.  Quruda 90 kvadrat km sahə araşdırılacaq", - deyə Cavadova qeyd edib.

Dənizdə işlər 5 gəminin istifadəsi ilə 25 metr dərinlikdə aparılacaq.

ƏMSSTQ üzrə təklif və iradların qəbulu 2016-cı il fevralın sonunda başa çatacaq.

 SOCAR ilə BP arasında Xəzər dənizinin Azərbaycan sektorunda, Abşeron yarımadasının ətrafındakı dayaz sulu sahədə yerləşən potensial perspektiv strukturlarda birgə geoloji kəşfiyyat işlərinin aparılması və işlənmə haqqında Hasilatın Pay Bölgüsü sazişi 2014-cü ilin dekabrın 22-də imzalanıb.

Kontrakt sahəsi 1,9 min kv m təşkil edir. 50% pay BP-yə, 50% SOCAR-a məxsusdur.

Müqavilə çərçivəsində işlər üç mərhələdə həyata keçiriləcək: ilkin tədqiqat, əsas tədqiqat və yataqların işlənməsi.

30 aya hesablanan birinci mərhələ çərçivəsində BP 2D və 3D seysmikanı keçirməlidir, həmçinin bu işlərin nəzarət altında olan bütün sahənin ətraf mühitinə təsirinin qiymətləndirilməsi aparılacaq.

Əgər şirkət bu mərhələ ərzində perspektiv struktur aşkarlayarsa, o zaman dördə qədər struktur seçmək və növbəti əsas tədqiqat mərhələsinə keçə bilər.

Müqaviləyə əsasən, ikinci mərhələnin gerçəkləşdirilməsi üç ilədək zamanı əhatə edə bilər. –0—